Hosea 14:7 - New Revised Asante Twi Bible

⁷ Wɔn a wɔtete ne nwunu aseɛ bɛsane abɛma ayuo asane anya afiriyɛ, na wɔafefɛ sɛ bobe a ne din ahyeta sɛ Lebanon bobesa.

Twerɛ Kronkron

⁷ Wɔn a wɔtete ne nwunu aseɛ bɛsane abɛma ayuo asane anya afiriyɛ, na wɔafefɛ sɛ bobe a ne din atahye sɛ Lebanon bobesa.

Akuapem Twi Nkwa Asɛm

⁷ Nnipa bɛtena ne nwini ase bio. Obenyin ayɛ frɔmfrɔm te sɛ aburow. Ɔbɛfefɛw ayɛ frɔmfrɔm te sɛ bobe, na ne din a ahyeta bɛyɛ sɛ nsa a efi Lebanon.

Asante Twi Nkwa Asɛm

⁷ Nnipa bɛtena ne nwunu ase bio. Ɔbɛnyini ayɛ frɔmm te sɛ aburoo. Ɔbɛfefɛ ayɛ frɔmm te sɛ bobe, na ne din a ahyeta bɛyɛ sɛ nsã a ɛfiri Lebanon.

KYERƐW KRONKRON

⁷ Wɔn a wɔtete ne nwini ase bɛsan abɛma awi asan anya afiye, na wɔafefɛw sɛ obobe a ne din ahye sɛ Lebanon bobesa.

Hosea 14:7 Iomraidhean Croise

Nnwom 138:7

Menam ahohia mu a, woma me nkwa, wotene wo nsa m’atamfoɔ abufuo so, na wo nifa gye me.

Nnwom 85:6

Worensane mma yɛn nkwa, na wo man ani nnye wo ho?

Nnwom 91:1

Deɛ ɔte ɔsorosoroni no huntabea, mekyerɛ deɛ ɔtena Otumfoɔ no nwunu ase no

Nnwom mu dwom 2:3

Me dɔfoɔ da mmeranteɛ ntam sɛ aprɛ a ɛwɔ kwaeɛ mu nnua ntam, mede anigyeɛ kɛseɛ tenaa ne nwunu ase, na n’aba yɛ me dodom dɛ.

Nnwom mu dwom 4:11

W’ano sosɔ ɛwomono, m’ayeforɔ, ɛwoɔ ne nufosuo wɔ wo tɛkyerɛma ase, na wo ntadeɛ mu hwa te sɛ Lebanon hwa.

Nnwom mu dwom 6:11

Mesiane mekɔɔ adwe turo mu, sɛ merekɔhwɛ bonhwa mu nhahamma frɔmfrɔm, sɛ merekɔhwɛ sɛ obobe afefɛ, sɛ atoaa gu nhyerɛne anaa?

Yesaia 61:11

Na sɛdeɛ asase ma afifideɛ pue na turo ma deɛ wɔadua mu fifire no, saa ara na AWURADE Nyankopɔn bɛma tenenee ne ayeyie afifiri amanaman nyinaa anim.

Hesekiel 17:23

Israel bepɔ sorɔnsorɔn so na mɛdua no, na ɛbɛyiyi mman aso aba, na ayɛ tweneduro kunini, na nnomaa nyinaa, ntakraboa nyinaa abɛsisi aseɛ; ne mman nwunu mu na wɔbɛsisie.

Hosea 14:5

Mɛdane sɛ bosuo mama Israel, ne nhwiren bɛhane sɛ sukooko, na wagye nhini sɛ Lebanon.

Hosea 2:21

Na ɛda no ɛbɛba sɛ mɛgye so, AWURADE asɛm nie, mɛgye ɔsoro so, na ɛno nso agye asase so,

Hosea 2:22

na asase agye ayuo ne nsa ne ngo so, na ɛno nso agye Yesreel so.

Hosea 6:2

Nnanu akyiri no ɔbɛma yɛanya nkwa, da a ɛtɔ so mmiɛnsa no ɔbɛma yɛasɔre na yɛanya n’anim nkwa.

Sakaria 8:12

Na deɛ wɔdua no asomdwoeɛ mu, obobe, bɛso n’aba, na asase ama ne nnɔbaeɛ, na ɔsoro bɛtɔ ne bosuo, na mɛma ɔman yi nkaeɛ afa yeinom nyinaa adi.

Yohane 11:25

Yesu see no sɛ: Mene owusɔreɛ ne nkwa; deɛ ɔgye me die no, sɛ wawu mpo a, ɔbɛnya nkwa.

Yohane 12:24

Mereka akyerɛ mo nokorɛ mu pa ara sɛ, ayuo baako antɔ fam anwu a, ɛwɔ hɔ korɔ no ara; na sɛ ɛwu a, ɛso aba pii.