Hesekiel 26:3 - New Revised Asante Twi Bible

³ sɛ AWURADE Nyankopɔn seɛ nie: Hwɛ, mene wo anya, Tiro, na mede amanaman bebree bɛba wo so, sɛdeɛ ɛpo de n’asorɔkyeɛ ba no,

Twerɛ Kronkron

³ sɛ AWURADE Nyankopɔn seɛ nie: Hwɛ, mene wo anya, Tiro, na mede amanaman bebree bɛba wo so, sɛdeɛ ɛpo de n’asorɔkyeɛ ba no,

Akuapem Twi Nkwa Asɛm

³ Ɛno nti, sɛɛ na Otumfo Awurade se: Me ne wo anya, Tiro, mede aman bebree bɛba abetia wo te sɛ po a ɛrebɔ nʼasorɔkye.

Asante Twi Nkwa Asɛm

³ Ɛno enti, sei na Otumfoɔ Awurade seɛ: Me ne wo anya Tiro, mede aman bebree bɛba abɛtia wo te sɛ ɛpo a ɛrebɔ nʼasorɔkye.

KYERƐW KRONKRON

³ Enti sɛ AWURADE Nyankopɔn se ni: Hwɛ, me ne wo anya, Tiro, na mede amanaman bebree mɛba wo so, sɛnea ɛpo de n’asorɔkye ba no,

Hesekiel 26:3 Iomraidhean Croise

Nnwom 107:25

na ɔka maa ahum kɛseɛ tui, na ɛmaa n’asorɔkyeɛ so.

Yesaia 5:30

Na wɔbɛworo atia wɔn da no sɛdeɛ ɛpo worɔ, na wɔhwɛ asase a, na hwɛ, ahohiahia ne sum nie, na hann redane wɔn so sum wɔ wiem hɔ.

Yeremia 21:13

Hwɛ, me ne mo a mote bonhwa mu, asaseta so botan soɔ no anya, AWURADE asɛm nie, mo a moka sɛ: Hwan na ɔbɛsiane aba yɛn soɔ, na hwan na ɔbɛba yɛn tenabea no?

Yeremia 25:22

ne Tiro ahemfo nyinaa ne Sidon ahemfo nyinaa ne ɛpo akyiri nohoa asase so ahemfo,

Yeremia 50:31

Ɔhantanni, hwɛ, me ne wo na anya, asafo AWURADE Nyankopɔn asɛm nie, ɛfiri sɛ wo da, w’asotweberɛ adu.

Yeremia 50:42

Wɔkurakura tadua ne pɛmɛ; wɔn ho yɛ den, na wɔnhunu mmɔbɔ; wɔn nne yɛ huu sɛ ɛpo, na wɔtete apɔnkɔ so asiesie wɔn ho sɛ akofoɔ, atu wo, Babel babaa, so sa.

Yeremia 51:42

Ɛpo abɛsram Babel so, n’asorɔkyeɛ huuyɛ akata so.

Yeremia 6:23

wɔkurakura tadua ne pɛmɛ, wɔn tirim yɛ den na wɔnni atimmɔborɔ; wɔn nne te sɛ ɛpo huuyɛ, na wɔtete apɔnkɔ so; wɔamia sɛ akofoɔ, sɛ wɔne wo, Sion babaa, rebɛko.

Hesekiel 21:3

na ka kyerɛ Israel asase no sɛ: Sɛ AWURADE seɛ nie: Hwɛ, me ne wo anya, na mɛtwe me nkrantɛ afiri ne bɔha mu, na matwitwa wo mu ateneneefoɔ ne abɔnefoɔ.

Hesekiel 26:19

Na sɛ AWURADE Nyankopɔn seɛ nie: Sɛ meyɛ wo nkurofo sɛ nkuro a wɔntena mu bio, sɛ mede ebunu meba wo so ma nsuo kɛseɛ bebree wo so a,

Hesekiel 27:26

W’aharefoɔ no de wo kɔ nsuo bebree so, apueeɛ mframa bobɔ wo wɔ ɛpo ahodoɔ no mfimfini.

Hesekiel 28:22

na ka sɛ: Sɛ AWURADE Nyankopɔn seɛ nie: Hwɛ, me ne wo anya, O Sidon, na mɛnya wo mu animuonyam, na sɛ meyɛ ne mu atemmudeɛ na meyi ne mu kronkronyɛ adi a, wɔahunu sɛ mene AWURADE.

Hesekiel 29:10

Enti, hwɛ, me ne wo ne w’asutene ahodoɔ no anya, na mɛyɛ Misraim asase no afoafo, amamfo ne ahodwirideɛ, afiri Siene abantenten ho akɔsi Etiopia hyeɛ so tɔnn.

Hesekiel 38:3

na ka sɛ: Sɛ AWURADE Nyankopɔn seɛ nie: Hwɛ, me ne wo anya, Gog, Mesek ne Tubal berempɔn!

Hesekiel 5:8

ɛno nti, sɛ AWURADE Nyankopɔn seɛ nie: Hwɛ, me ne wo anya, na mɛbu wo atɛn, amanaman no anim.

Mika 4:11

Na afei amanaman pii aboa wɔn ano atia wo, na wɔka sɛ: Ma Sion ho ngu fi, na yɛmfa yɛn ani nhwɛ n’animguaseɛ no.

Nahum 2:12

Gyata tetee mu maa ne mma na ɔmia maa n’abereɛ, na ɔde nteteeɛ hyɛɛ n’atu mu amaama, na ɔde deɛ ɔtetee mu no hyehyɛɛ ne tenabea.

Nahum 3:5

Hwɛ, me ne wo anya, asafo AWURADE asɛm nie, na mɛyi w’atadeɛ mmuano afa w’anim, na mama amanaman ahunu w’adagya, na ahennie aman ahunu w’ahohora.

Sakaria 14:2

Na mɛboa amanaman nyinaa ano aba Yerusalem ne no abɛko, na wɔafa kuro no, na wɔafom afie no afa, na wɔagu mmaa no ho fi, na kuro no fa afiri akɔ atukorɔ mu, na ɔman no nkaeɛ deɛ, wɔrentwitwa wɔn mfiri kuro no mu.

Sakaria 9:4

Hwɛ, AWURADE bɛma wɔahwere n’ahodeɛ, na wabɔ ne tumi agu ɛpo mu, na ɔno ara deɛ, ogya bɛhye no.

Luka 21:25

Na nsɛnkyerɛnneɛ bɛba owia ne ɔsrane ne nsoromma mu, na amanaman ho bɛyera wɔn asase so, ɛpo ne asorɔkyeɛ a ɛrehuro no nti;