Daniel 5:1 - New Revised Asante Twi Bible

¹ Ɔhene Belsasar too n’aberempɔn a wɔyɛ nnipa apem ɛpono kɛseɛ, na wɔnomm nsa, wɔn anim.

Akuapem Twi Nkwa Asɛm

¹ Mfe bebree akyi no, Ɔhene Belsasar too pon kɛse maa ne mpanyimfo apem, na ɔne wɔn nom nsa.

Asante Twi Nkwa Asɛm

¹ Mfeɛ bebree akyi no, Ɔhene Belsasar too ɛpono kɛseɛ maa ne mpanimfoɔ apem, na ɔne wɔn nom nsã.

KYERƐW KRONKRON

¹ Ɔhene Belsasar tow n’aberɛmpɔn apem ponkɛse, na ɔnom nsa, wɔ wɔn anim.

Daniel 5:1 Iomraidhean Croise

1 Mose 40:20

Na da a ɛtɔ so mmiɛnsa a ɛyɛ Farao awoda no, ɔtoo ne nkoa nyinaa pono, na ɔyii nsahyɛfoɔ panin ne paanootofoɔ mu panin no de wɔn baa ne nkoa anim;

Ester 1:3

n’ahennie afe a ɛtɔ so mmiɛnsa mu no, ɔtoo ne mmapɔmma nyinaa, ne ne nkoa pono a Persia ne Media dɔm so atumfoɔ ne mmakoma ne amantam no so asafohene no ka ho.

Yesaia 22:12

Na ɛda no, asafo AWURADE Nyankopɔn frɛɛ nnipa baa esu ne adwotwa ne tikwabɔ ne ayitomafira mu.

Yesaia 22:14

Na asafo AWURADE ayi me asotire sɛ: Wɔremfa amumuyɛ yi nkyɛ mo kɔsi berɛ a mobɛwuwuo! Asafo AWURADE Nyankopɔn na ɔseɛ.

Yeremia 50:35

Afena wɔ Kaldeafoɔ so, AWURADE asɛm nie, ne Babelfoɔ so, ne wɔn mmapɔmma ne wɔn anyansafoɔ so.

Yeremia 51:39

Sɛ wɔn ho yɛ wɔn hye a, mɛto wɔn nsapono, na mama wɔabobo na wɔn ho asɛpɛ wɔn, na wɔada daa nna, na wɔannyane, AWURADE asɛm nie.

Yeremia 51:57

Na mɛma ne mmapɔmma ne n’anyansafoɔ ne n’amradofoɔ ne ne man mpanimfoɔ ne ne nnɔmmarima abobo, na wɔadeda daa nna a wɔrennyane, ɔhene a ne din ne asafo AWURADE no asɛm nie.

Daniel 5:30

Anadwo no ara na wɔkumm Kaldeafoɔ hene Belsasar.

Nahum 1:10

Na sɛ motoatoam sɛ nwerɛ na mo nsaden nso abobo mo mpo a, mobɛhye koraa sɛ nkyɛnkyɛmma dwaneeɛ.