Daniel 4:21 - New Revised Asante Twi Bible

²¹ na n’ahahan yɛ fɛ na ɛso aba dɔɔso na aduane wɔ mu ma nnipa nyinaa, na wiram mmoa tete aseɛ na ewiem nnomaa sisi ne mman soɔ no,

Akuapem Twi Nkwa Asɛm

²¹ Na ne nhaban yɛ frɔmfrɔm fɛfɛɛfɛ a asow aba bebree, na so wɔ aduan ma obiara. Na wuram mmoa te ne nwini ase, na wim nnomaa nso yɛ wɔn berebuw wɔ ne mman mu.

Asante Twi Nkwa Asɛm

²¹ Na ne nhahan yɛ frɔmm fɛɛfɛɛfɛ a aso aba bebree, na ɛso wɔ aduane ma obiara. Na wiram mmoa te ne nwunu ase, na ewiem nnomaa nso yɛ wɔn pirebuo wɔ ne mman mu.

KYERƐW KRONKRON

²¹ na n’ahaban yɛ fɛ na ɛso aba dɔɔso na aduan wɔ mu ma nnipa nyinaa, na wuram mmoa tete ase na wim nnomaa sisi n’abaa so no,

Daniel 4:21 Iomraidhean Croise

Nnwom 104:17

Ɛhɔ na nnomaa yɛ wɔn mpirebuo, asukɔnkɔn wɔ ne fie, pepeaa nnua so.

Hesekiel 17:23

Israel bepɔ sorɔnsorɔn so na mɛdua no, na ɛbɛyiyi mman aso aba, na ayɛ tweneduro kunini, na nnomaa nyinaa, ntakraboa nyinaa abɛsisi aseɛ; ne mman nwunu mu na wɔbɛsisie.

Hesekiel 31:6

Ne mman frɔmfrɔm no mu na ewiem nnomaa nyinaa yeyɛɛ apirebuo, na ne mman akɛseɛ no ase na wiram mmoa nyinaa wowoo wɔn mma, na n’ase nwunu mu na amanaman akɛseɛ nyinaa tenaeɛ.

Daniel 2:38

na baabiara a nnipa mma, wiram mmoa ne ewiem nnomaa teɛ no, ɔde wɔn ahyɛ wo nsa, na ɔde wo adi wɔn nyinaa so: Wone sika tiri no.

Daniel 4:11

Dua no nyini yɛɛ kɛseɛ na ɛyɛɛ den, na ne tentene kɔduruu soro, na wɔhunu no asase so baabiara;

Daniel 4:20

Dua a wohunuiɛ a ɛso na ɛyɛ den a ne tentene kɔpem soro na wɔhu no asase nyinaa soɔ,

Daniel 4:22

ɛne wo, ɔhene a woso na woyɛ den na wo kɛseyɛ dɔɔso kɔduru soro na wo tumidie duru asase ano no.

Luka 13:19

Ɛte sɛ sinapi fua a onipa fa kɔduaa wɔ ne turom; na ɛnyinii, na ɛyɛɛ dua, na ewiem nnomaa bɛsisii ne mman so.