Adiyisɛm 5:5 - New Revised Asante Twi Bible

⁵ Na mpanimfoɔ no mu baako ka kyerɛɛ me sɛ: Nsu, hwɛ, Yuda abusuakuo mu Gyata no, Dawid nhini no adi nkonim sɛ ɔbɛbue nwoma no mu na watete ne nsɔano nson no.

Twerɛ Kronkron

⁵ Na mpanimfoɔ no mu baako ka kyerɛɛ me sɛ: Nsu, hwɛ, Yuda abusuakuo mu Gyata no, Dawid nhini no adi nkonim sɛ ɔbɛbue nwoma no mu na watete ne nsɔano nson no.

Akuapem Twi Nkwa Asɛm

⁵ Afei ɔpanyin baako ka kyerɛɛ me se, “Nsu. Hwɛ! Gyata a ofi Yuda abusuakuw mu a ɔyɛ Dawid aseni adi nkonim, na obetumi atetew nsɔwano ason no na wabue nhoma no mu.”

Asante Twi Nkwa Asɛm

⁵ Afei, ɔpanin baako ka kyerɛɛ me sɛ, “Nsu. Hwɛ! Gyata a ɔfiri Yuda abusuakuo mu a ɔyɛ Dawid aseni adi nkonim, na ɔbɛtumi atete nsɔano nson no na wabue nwoma no mu.”

KYERƐW KRONKRON

⁵ Na mpanyimfo no mu biako ka kyerɛɛ me sɛ: Nsu, hwɛ, Yuda abusuakuw mu gyata no, Dawid ntini no, adi nkonim sɛ obebue nhoma no mu na watetew ne nsɔano ason no.

Adiyisɛm 5:5 Iomraidhean Croise

1 Ahene 10:20

Na agyata dummienu gyinagyina ntwedeɛ nsia no so ha ne ha; ɛso bi nni ahennie biara mu.

2 Berɛsosɛm 9:18

na adwa no wɔ ntrapoe nsia, na sika ntiasoɔ wɔ adwa no ho a wɔabobɔ mu, na nsa wowɔ ɛha ne ha, atenaeɛ no ho, na agyata mmienu gyinagyina nsa no ho;

Hiob 41:15

N’akyɛm akyerɛpɛn yɛ fɛ, wɔatotom sɛ adeɛ a wɔasɔ ano.

Yesaia 11:1

Na duforɔ bi bɛfifiri afiri Yisai dunsini no mu, na duban afiri ne nhini mu aso aba.

Yesaia 11:10

Na da no, Yisai nhini mu duforɔ a ɛsi hɔ sɛ frankaa ma aman no, n’akyiri kwan na amanaman bɛhwehwɛ, na ne homebea bɛyɛ animuonyam.

Yeremia 31:16

Sɛ AWURADE seɛ nie: Mua w’ano, na woansu, ne w’ani nso, na ampore nisuo, na w’adwuma so akatua wɔ hɔ, AWURADE asɛm nie, na wɔbɛsane afiri ɔtamfoɔ asase no so;

Daniel 7:16

Metwe pinii wɔn a wɔgyina hɔ no mu baako, na mebisaa no yei nyinaa ase; na ɔka kyerɛɛ me, na ɔmaa mehunuu nnoɔma no nkyerɛaseɛ.

4 Mose 24:9

Ɔkoto, ɔbutu sɛ gyata ne gyatabereɛ, hwan na ɔbɛma no asɔreɛ? Nhyira ne wɔn a wɔhyira woɔ, na nnome ne wɔn a wɔdome woɔ.

Luka 23:28

Na Yesu danee n’ani kyerɛɛ wɔn kaa sɛ: Yerusalem mmammaa, monnsu me, na monsu mo ho ne mo mma!

Luka 7:13

Na Awurade hunuu ɔbaa no no, ɔyɛɛ no mmɔbɔ, na ɔka kyerɛɛ no sɛ: Nsu!

Luka 8:52

Na wɔn nyinaa resu, na wɔregyam no. Na ɔse: Monnsu! Na ɔnwui, na wada.

Yohane 20:13

Na wɔbisaa no sɛ: Ɔbaa, adɛn na woresu? Ɔsee wɔn sɛ: Ɛfiri sɛ wɔafa me wura kɔ, na mennim faako a wɔde no akɔtoɔ.

Romafo 1:3

wɔ ne ba a honam fam wɔwoo no Dawid aseni no ho;

Romafo 15:12

Na bio Yesaia ka sɛ: Yisai nhini ne deɛ ɔbɛsɔre abɛdi amanaman so bɛba; ɔno na amanaman ani bɛda ne soɔ.

Hebrifo 7:14

Ɛfiri sɛ ɛda adi pefee sɛ, Yuda mu na yɛn Awurade pueeɛ, nso saa abusuakuo yi, Mose ammɔ din anka asɔfodie ho hwee.

Adiyisɛm 1:1

Yesu Kristo adiyie a Onyankopɔn de maa no sɛ ɔnkyerɛ ne nkoa deɛ ɛtwa sɛ ɛba ntɛm, na ɔnam ne bɔfoɔ so de bɛkyerɛɛ n’akoa Yohane

Adiyisɛm 22:16

Me, Yesu, na masoma me bɔfoɔ sɛ ɔmmɛdi mo nnoɔma yi ho adanseɛ asafo no mu. Mene Dawid nhini ne n’aseni, adekyeeɛ nsoromma a ɛhran no.

Adiyisɛm 3:21

Deɛ ɔdi nkonim no, mɛma ɔne me atena m’ahennwa so, sɛdeɛ me nso madi nkonim na me ne m’Agya te n’ahennwa soɔ no.

Adiyisɛm 4:10

mpanimfoɔ aduonu nan no hwehwe ase, deɛ ɔte ahennwa no soɔ no anim, na wɔkoto deɛ ɔte ase daa daa no, na wɔyiyi wɔn abotire no gu ahennwa no anim ka sɛ:

Adiyisɛm 4:4

Na nhennwa aduonu nan atwa ahennwa no ho ahyia, na mehunuu mpanimfoɔ aduonu nan sɛ wɔtete nhennwa no so hyehyɛ ntadeɛ fitaa na sika abotire bobɔ wɔn ti.

Adiyisɛm 5:4

Na mesuu pii, ɛfiri sɛ wɔnhunu obi a ɔfata sɛ ɔbɛbue nwoma no mu anaasɛ ɔbɛhwɛ mu.

Adiyisɛm 6:1

Na mehunuu sɛ adwammaa no tee nsɔano no mu baako ano, na metee sɛ ateasefoɔ baanan no mu baako de nne a ɛte sɛ aprannaa kaa sɛ: Bra!

Adiyisɛm 7:13

Na mpanimfoɔ no mu baako bisaa me sɛ: Yeinom a wɔhyehyɛ ntadeɛ yuu fitaa yi yɛ hwannom, na wɔfiri he?