Adiyisɛm 3:2 - New Revised Asante Twi Bible

² Nyane, na hyɛ nkaeɛ a ɛrebɛwuo no den. Na menhunuu wo nnwuma sɛ ɛyɛ pɛ me Nyankopɔn anim.

Twerɛ Kronkron

² Nyane, na hyɛ nkaeɛ a ɛrebɛwuo no den. Na menhunuu wo nnwuma sɛ ɛyɛ pɛ me Nyankopɔn anim.

Akuapem Twi Nkwa Asɛm

² Enti nyan, na kanyan nea aka wɔ wo nkyɛn no na anwu koraa. Efisɛ mahu sɛ nea woayɛ no nnya nnii mu wɔ Onyankopɔn anim ɛ.

Asante Twi Nkwa Asɛm

² Enti nyane, na kanyane deɛ aka wo nkyɛn no na anwu koraa. Ɛfiri sɛ, mahunu sɛ deɛ woayɛ no nya nnii mu wɔ Onyankopɔn anim.

KYERƐW KRONKRON

² Nyan, na hyɛ nkae a ɛrebewu no den. Na manhu wo nnwuma sɛ ɛyɛ pɛ me Nyankopɔn anim.

Adiyisɛm 3:2 Iomraidhean Croise

1 Ahene 11:4

Na ɛbaa sɛ, Salomo nkɔkoraa berɛ mu no, ne yerenom danee n’akoma kɔdii anyame foforɔ akyi, na n’akoma anni mu AWURADE ne Nyankopɔn ho sɛ n’agya Dawid akoma.

1 Ahene 15:3

Na ɔnantee n’agya bɔne a ɔyɛ dii n’anim nyinaa mu, na n’akoma anni mu AWURADE ne Nyankopɔn anim sɛ n’agya Dawid akoma.

2 Berɛsosɛm 25:2

Na ɔyɛɛ deɛ ɛtene AWURADE ani so, nanso ɛnyɛ n’akoma pɛyɛ mu.

Hiob 16:5

aane, anka mede m’ano bɛhyɛ mo den, na m’anomu duema ama mo yea aboto.

Yesaia 35:3

Monhyɛ nsa a ayɛ bɛtɛɛ den, mommia nkotodwe a agoɔ mu;

Yesaia 56:10

N’awɛmfoɔ yɛ anifirafoɔ, wɔn nyinaa nnim de; wɔn nyinaa yɛ akraman mum, wɔntumi mmobɔ mu; wɔyɛ nnamukasafoɔ, deda hɔ, pɛ nna.

Yesaia 57:12

Mɛka wo tenenee ne wo nneyɛɛ makyerɛ, nso ɛrenyɛ wo mfasoɔ biara.

Hesekiel 34:16

Deɛ wayera no, mɛhwehwɛ no, na deɛ wɔapam no no, mɛkɔ akɔfa no aba, na deɛ wabubuo no, mɛkyekyere no, na deɛ ɔyareɛ no, mɛhyɛ no den; na deɛ wadɔre sradeɛ ne deɛ ne ho yɛ den no, mɛhwɛ no so; mɛhwɛ wɔn tenenee mu.

Daniel 5:27

TEKEL, wɔakari wo nsania mu, na wɔahu wo sɛ wonnu;

Sakaria 11:16

Na hwɛ, merema odwanhwɛfoɔ bi so asase no so a deɛ ɛreseɛ no, ɛrenhwɛ, deɛ apansam no, ɔrenhwehwɛ, na deɛ abubuo no, ɔrensa no yadeɛ; deɛ ɛwɔ ahoɔden no nso, ɔrennyegye no, na deɛ adɔ sradeɛ no nam na ɔbɛdie, na wapaepae wɔn ntɔte mu.

Mateo 23:5

Na wɔyɛ wɔn nnwuma nyinaa sɛdeɛ nnipa bɛhu wɔn. Na wɔyɛ wɔn nkaeɛ nwoma atɛtrɛtɛ, na wɔyɛ wɔn ntadeɛ ano nnwo akɛseɛ.

Mateo 25:13

Enti monwɛn, na monnim da anaa dɔn ko no, (a Onipa Ba no reba.)

Mateo 25:7

Ɛnna mmabaawa no nyinaa sɔre kekaa wɔn nkanea.

Asomafo 18:23

Na ɔkyɛree hɔ kakra no, ɔfirii hɔ kɔkyinii Galatia ne Frigia nkuro nyinaa mu hyɛɛ asuafoɔ no nyinaa den.

5 Mose 3:28

Na hyɛ Yosua yie, na hyɛ no den na hyɛ no aboɔduro, ɛfiri sɛ ɔno na ɔbɛdi ɔman yi anim akyɛ asase a wobɛhunu no mu ama wɔn.

1 Petro 4:7

Nanso adeɛ nyinaa awieeɛ abɛn. Enti momma mo adwene mu nte na mo ani nna hɔ mma mpaebɔ.

1 Petro 5:8

Mo ani nna hɔ, monwɛn, ɛfiri sɛ mo tamfo bonsam no nam sɛ gyata a ɔbobom hwehwɛ deɛ ɔbɛnya no amene.

Adiyisɛm 16:15

(Hwɛ, mereba sɛ owifoɔ. Nhyira ne deɛ ɔwɛn na ɔhwɛ ne ntadeɛ soɔ, na wannante adagya mu, na wɔanhunu ne kwaterekwa.)

Adiyisɛm 2:4

Nanso mewɔ wo ho asɛm bi, ɛne sɛ, woagya wo kane dɔ no.

Adiyisɛm 3:1

Na Sardi asafo mu bɔfoɔ no, twerɛ kɔma no sɛ: Sɛɛ na deɛ ɔwɔ Nyankopɔn ahonhom nson ne nsoromma nson no seɛ: Menim wo nnwuma, sɛ wowɔ din sɛ wote aseɛ, nanso woawuo.

Adiyisɛm 3:3

Enti kae sɛdeɛ woanya na woateɛ na di so, na sakyera w’adwene! Na sɛ woanwɛn a, mɛba sɛ owifoɔ, na worenhunu dɔn ko a mɛba wo soɔ.