4 Mose 4:6 - New Revised Asante Twi Bible

⁶ na wɔmfa sukraman nwoma akatasoɔ nto so, na wɔmfa bibitoma mu nsɛ so, na wɔmfa ne mpoma no nwurawura mu.

Twerɛ Kronkron

⁶ na wɔmfa sukraman nwoma akatasoɔ nto so, na wɔmfa bibitoma mu nsɛ so, na wɔmfa ne mpoma no nwurawura mu.

Akuapem Twi Nkwa Asɛm

⁶ Afei, wɔde abirekyi nhoma bɛkata nkataanim no ho na wɔde ntama tuntum akata abirekyi nhoma no ho na wɔde nnua a wɔde soa adaka no ahyehyɛ ne nkaa no mu.

Asante Twi Nkwa Asɛm

⁶ Afei, wɔde abirekyie nwoma bɛkata nkatanimu no ho na wɔde ntoma tuntum akata abirekyie nhoma no ho na wɔde nnua a wɔde soa adaka no ahyehyɛ ne nkawa no mu.

KYERƐW KRONKRON

⁶ na wɔmfa sukraman nhoma nkataso nto so, na wɔmfa bibitama mu ntrɛw so, na wɔmfa ne mpoma no nwurawura mu.

4 Mose 4:6 Iomraidhean Croise

2 Mose 25:10

Na wɔmfa okuo nyɛ adaka a ne tentene bɛyɛ basafa baako ne fa, na ne tɛtrɛtɛ bɛyɛ anammɔn mmienu ne fa, na ne korɔn bɛyɛ anammɔn mmienu ne fa.

2 Mose 35:19

ɔsom ntadeɛ a wɔde som kronkronbea hɔ, Ɔsɔfoɔ Aaron ntadeɛ kronkron no ne ne mma ntadeɛ a wɔde bɛdi asɔfoɔ no.

2 Mose 39:1

Na bibire ne asaawa a ɛbere dum ne koogyan no, wɔde yɛɛ ɔsom ntadeɛ a wɔde bɛsom kronkronbea hɔ, na wɔyɛɛ Aaron ntade kronkron no, sɛdeɛ AWURADE hyɛɛ Mose no.

2 Mose 39:41

ɔsom ntadeɛ a wɔde som kronkronbea hɔ ne Ɔsɔfoɔ Aaron ntade kronkron ne ne mma ntadeɛ a wɔde bɛdi asɔfoɔ no.

4 Mose 4:14

na wɔmfa ɛho nnoɔma a wɔde som so nyinaa, nsramma kukuwa ne adinam ne sofi ne nkoraa no, afɔrebukyia no ho nnoɔma nyinaa, na wɔmfa sukraman nwoma akatasoɔ nsɛ so, na wɔmfa ɛho mpoma no nwurawura mu.

4 Mose 4:25

Wɔn na wɔnsoa tenabea no ntoma no ne ahyiaeɛ ntomadan no, ne nkatasoɔ, ne sukraman akatasoɔ a ɛwɔ soɔ no ne ahyiaeɛ ntomadan no ano nkataano no,

5 Mose 31:9

Na Mose twerɛɛ mmara yi, na ɔde maa asɔfoɔ no, Lewi mma a wɔsoa AWURADE apam adaka no, ne Israel mpanimfoɔ nyinaa.