3 Mose 26:4 - New Revised Asante Twi Bible

⁴ ɛnneɛ mɛma osuo atɔ ama mo ne berɛ mu, na asase no ama ne nnɔbaeɛ, na mfuo mu nnua aso aba;

Twerɛ Kronkron

⁴ ɛnneɛ mɛma osuo atɔ ama mo ne berɛ mu, na asase no ama ne nnɔbaeɛ, na mfuo mu nnua aso aba;

Akuapem Twi Nkwa Asɛm

⁴ daa mɛtɔ osu ama mo ama mo nnɔbae ayɛ yiye abu so, na mo nnua nso bɛsow aba a ɛbɛkyɛ wɔ nnua no so.

Asante Twi Nkwa Asɛm

⁴ daa mɛtɔ osuo ama mo ama mo nnɔbaeɛ ayɛ yie abu so, na mo nnua nso bɛso aba a ɛbɛkyɛre wɔ nnua no so.

KYERƐW KRONKRON

⁴ ɛnne mɛma osu atotɔ ama mo ne bere mu, na asase no ama ne nnɔbae, na mfuw mu nnua asow aba;

3 Mose 26:4 Iomraidhean Croise

1 Ahene 17:1

Na Tisbini Elia a ɔfiri Gilead atubrafoɔ mu ka kyerɛɛ Ahab sɛ: Sɛ AWURADE Israel Nyankopɔn a megyina n’anim te aseɛ yi, obosuo anaa osuo rentɔ mfeɛ yi mu gye sɛ ɛnam m’asɛm so!

Hiob 5:10

Deɛ ɔma osuo tɔ asase soɔ, na ɔma nsuo ba wira mu,

Nnwom 104:13

Ɔfiri ne soro mpia mu gu mmepɔ so nsuo, wo nnwuma so aba mee asase.

Nnwom 67:6

Asase abɔ n’aduane, Onyankopɔn, yɛn Nyankopɔn bɛhyira yɛn.

Nnwom 67:7

Onyankopɔn bɛhyira yɛn, na wɔn a wɔte asase ano nyinaa asuro no.

Nnwom 68:9

Onyankopɔn, wotɔɔ adɔeɛ suo guu w’agyapadeɛ so, na ɛtɔ piti a, wo na woma no yɛ yie.

Nnwom 85:12

Nso AWURADE bɛma papa, na yɛn asase bɛma ne nnɔbaeɛ.

Nnwom 85:13

Tenenee bɛdi n’anim, na asi n’anammɔn kwan so.

Yesaia 30:23

Na ɔbɛma osuo atɔ agu mo aba a moagu no fam ne asase nnɔbaeɛ aduane so, na ayɛ aduane pa sɔɔsɔɔ; mo mmoakuo bɛdidi da no, adidibea a ɛtrɛ so;

Yesaia 5:6

mɛma no atɔ mpan, wɔrentwitwa ho, na wɔrennɔ mu, na afu nkasɛɛ ne nnɛnkyɛnse ara nko, na mɛhyɛ osuo sɛ ɛnntɔ nngu so.

Yeremia 14:22

Amanaman ahoni no mu bi wɔ hɔ a wɔma osuo torɔ? Anaasɛ ɔsoro bɛtumi ama asuso atue? Ɛnyɛ wo, AWURADE yɛn Nyankopɔn? Wo na yɛhwɛ wo kwan, ɛfiri sɛ wo ara na woayɛ yeinom nyinaa.

Hesekiel 36:30

Na mɛma nnua aba, ne mfuo mu nnɔbaeɛ adɔɔso, na moansoa ɛkɔm no nsopa, amanaman mu bio.

Yoel 2:22

Ewiram mmoa, monnsuro, na ɛserɛ so wira mono refefɛ, na nnua reso n’aba, borɔdɔma ne bobe reyi n’ahoɔden ama.

3 Mose 25:19

Na asase no bɛba n’aduane na moadi amee, na moatena so dwoodwoo.

3 Mose 25:21

ɛnneɛ, mɛhyɛ me nhyira mama mo afe a ɛtɔ so nsia no mu, na aba mfeɛ mmiɛnsa aduane;

Sakaria 8:12

Na deɛ wɔdua no asomdwoeɛ mu, obobe, bɛso n’aba, na asase ama ne nnɔbaeɛ, na ɔsoro bɛtɔ ne bosuo, na mɛma ɔman yi nkaeɛ afa yeinom nyinaa adi.

Mateo 5:45

na moayɛ mo Agya a ɔwɔ soro no mma; ɛfiri sɛ ɔma n’awia pue nnipa bɔne ne nnipa pa so, na ɔtɔ nsuo gu wɔn a wɔtene ne wɔn a wɔntene so.

Asomafo 14:17

nanso wannyae ne ho adansedie, yɛɛ yie maa mo nsuo firi soro ne berɛ a aduane ba, na ɔde aduane ne anigyeɛ maa mo abotɔyam.

5 Mose 11:13

Na sɛ motie me mmara nsɛm a mede merema mo nnɛ yi, sɛ mode mo akoma nyinaa bɛdɔ AWURADE mo Nyankopɔn na moasom no a,

5 Mose 11:14

ɛnneɛ mɛma mo asase so osuo atɔ ne berɛ mu, asusɔ ne bereamporɔ, na woaboaboa w’aburoo ne wo nsa ne wo ngo ano,

5 Mose 28:12

AWURADE bɛbue n’adepa korabea a ɛyɛ ɔsoro no ama wo, na atɔ w’asase so osuo ne berɛ mu, na wahyira wo nsa ano adwuma nyinaa; na wode bɛfɛm amanaman pii, na wo deɛ, woremfɛm obi hɔ biribi.

Yakobo 5:7

Enti, anuanom, monya abodwokyɛre nkɔduru da a Awurade bɛba. Hwɛ, okuafoɔ a ɔretwɛn asase aba a ne boɔ yɛ den no to ne bo ase kyɛre wɔ ho, de kɔsi sɛ ɛnya feefee ne asusɔ.

Adiyisɛm 11:6

Yeinom wɔ tumi sɛ wɔto ɔsoro mu, na osuo ntɔ wɔn adiyie nna no mu, na wɔwɔ nsuo so tumi sɛ wɔma no dane mogya ne sɛ wɔde haw biara ha asase da biara a wɔpɛ.