1 Samuel 6:5 - New Revised Asante Twi Bible

⁵ Enti monyɛ mo mpɔmpɔ no nsɛsoɔ ne mo nkura a wɔsɛe mo asase no nsɛsoɔ, na momfa animuonyam mma Israel Nyankopɔn: Ebia ne nsa bɛyɛ hare afiri mo ne mo anyame ne mo asase so.

Twerɛ Kronkron

⁵ Enti monyɛ mo mpɔmpɔ no nsɛsoɔ ne mo nkura a wɔsɛe mo asase no nsɛsoɔ, na momfa animuonyam mma Israel Nyankopɔn: Ebia ne nsa bɛyɛ hare afiri mo ne mo anyame ne mo asase so.

Akuapem Twi Nkwa Asɛm

⁵ Monyɛ saa nneɛma yi nyinaa mfa nkyerɛ nidi a mowɔ ma Israel Nyankopɔn. Na ebia, obegyaa mo, mo anyame ne mo asase amanehunu no.

Asante Twi Nkwa Asɛm

⁵ Monyɛ saa nneɛma yi nyinaa fa nkyerɛ anidie a mowɔ ma Israel Onyankopɔn. Na ebia, ɔbɛgyae mo, mo anyame ne mo asase amanehunu no.

KYERƐW KRONKRON

⁵ Enti monyɛ mo mpobia no sɛso ne mo nkura a wɔsɛe mo asase no sɛso, na momfa anuonyam mma Israel Nyankopɔn: Ebia ne nsa bɛyɛ hare afi mo ne mo anyame ne mo asase so.

1 Samuel 6:5 Iomraidhean Croise

1 Berɛsosɛm 16:28

Aman mmusuakuo, momma AWURADE, momma AWURADE animuonyam ne tumi.

1 Berɛsosɛm 16:29

Momfa AWURADE din no animuonyam mma no, monsoa ayɛyɛdeɛ mmra n’anim. Monsɔre AWURADE wɔ ahokeka kronkron mu.

Nnwom 18:44

Aso teeɛ ara pɛ, na wɔtiee me, ananafoɔ brɛɛ wɔn ho ase maa me.

Nnwom 32:4

Na awia ne anadwo wo nsa yɛɛ me so duru, me mu nsuo twee, na mekusaa sɛ awia berɛ mu.

Nnwom 39:10

Yi wo haw firi me so. Wo nsa ano hweɛ rehye me.

Nnwom 66:3

Monse Onyankopɔn sɛ: Wo nnwuma yɛ hu ampa. Wo tumi kɛseɛ nti w’atamfo bɛkoto wo.

2 Mose 12:12

Na merebɛtwam Misraim asase so anadwo yi, na makum Misraim asase so mmakan nyinaa, ɛfiri nnipa so kɔsi mmoa so, na mɛbu Misraim anyame nyinaa atɛn, mene AWURADE.

2 Mose 8:17

Na wɔyɛɛ saa, na Aaron tenee ne nsa de poma no bɔɔ asase so mfuturo, na ɛdanee edwie wɔ nnipa ne mmoa so. Na asase so mfuturo nyinaa danee edwie Misraim asase nyinaa so.

2 Mose 8:24

Na AWURADE yɛɛ saa. Na nwansena a wɔdɔɔso pii baa Farao fie ne ne nkoa afie ne Misraim asase nyinaa so. Na nwansena no nti asase no so sɛee.

2 Mose 8:5

Na AWURADE ka kyerɛɛ Mose sɛ: Ka kyerɛ Aaron sɛ: Fa wo poma no, na tene wo nsa wɔ nsubɔntene, asuasu, ne ntareɛ so, na ma mponkyerɛne mmra Misraim asase nyinaa so.

Yesaia 19:1

Misraim ho atemmusɛm. Hwɛ, AWURADE te mununkum haahare so reba Misraim, na Misraim abosonhuhuo ho bɛpopo n’anim, na Misraimfoɔ akoma bɛnane wɔ wɔn mu.

Yesaia 42:12

Ma wɔnhyɛ AWURADE animuonyam, na wɔnka n’ayeyie nsuo ano aman mu.

Yeremia 13:16

Monhyɛ AWURADE mo Nyankopɔn animuonyam ansa na wama sum aduru, ansa na mo nan asunti mmepɔ kusuu no, na morehwɛ hann kwan a, wadane no sunsum, na wama sum kabii aduru.

Yeremia 3:13

Hunu w’amumuyɛ no nko, sɛ AWURADE wo Nyankopɔn na woafom no, na woakyini aduru ananafoɔ nkyɛn, dua biara a ɛyɛ frɔmm ase, na me nne deɛ, moantie, AWURADE asɛm nie.

Yoel 2:25

Na mfirinhyia a ntutummɛ, mfuntie, mmɛbɛ ne nketekyire, me dɔm kɛseɛ a mesomaa wɔn baa mo mu no diiɛ no, mɛhyɛ no ananmu.

Yona 3:9

Obi nnim sɛ ebia Onyankopɔn bɛsesa n’adwene wɔ adeɛ wɔrebɛyɛ no ho, na wadane afiri n’abufuhyeɛ no ho, na wansɛe yɛn.

Malaki 2:2

Sɛ moantie na moamfa anhyɛ mo akoma mu sɛ mode animuonyam bɛma me din a, asafo AWURADE na ɔseɛ, ɛnneɛ mɛma nnome aba mo mu, na madome mo nhyira no; anokwa, madome wɔn dada, ɛfiri sɛ wɔnyɛ nnipa a wɔde m’asɛm sie wɔn akoma mu.

4 Mose 33:4

na Misraimfoɔ resie wɔn mmakan a AWURADE kunkumm wɔn mu no nyinaa; na wɔn anyame no nso, AWURADE buu wɔn atɛn.

Yohane 9:24

Ɛnna wɔfrɛɛ onipa a anka ɔyɛ onifirani no ne mprenu soɔ, na wɔsee no sɛ: Fa animuonyam ma Onyankopɔn! Yɛn deɛ, yɛnim sɛ onipa yi yɛ ɔdebɔneyɛni.

Yosua 7:19

Na Yosua ka kyerɛɛ Akan sɛ: Me ba, fa animuonyam ma AWURADE, Israel Nyankopɔn, na di no ni, na ka kyerɛ me ɛ: Ɛdeɛn na woyɛeɛ? Nsi me so.

Adiyisɛm 11:13

Na ɛdɔn no ara mu asase wosoo kɛse, na kuro no nkyekyɛmu du mu baako hwee ase, na asasewosoɔ no kumm nnipa mpemnson. Na wɔn a ɛkaeɛ no suroe, na wɔhyɛɛ ɔsoro Nyankopɔn animuonyam.

Adiyisɛm 14:7

na ɔde nne kɛseɛ teaa mu sɛ: Monsuro Onyankopɔn na monhyɛ no animuonyam, ɛfiri sɛ n’atemmuo dɔn adu. Na monkoto deɛ ɔyɛɛ ɔsoro ne asase ne ɛpo ne asutire no.

Adiyisɛm 16:9

Na wɔde ahuhuro kɛseɛ hyehyee nnipa, na wɔkaa Onyankopɔn a ɔwɔ ɔhaw mmusuo yi so ahoɔden no din ho abususɛm, na wɔansakyera wɔn adwene anhyɛ no animuonyam.

1 Samuel 5:11

Na wɔsoma maa wɔkɔhyiahyiaa Filistifoɔ asafohene nyinaa boaa ano, na wɔkaa sɛ: Momma wɔmfa Israel Nyankopɔn adaka no nsane nkɔ ne siberɛ, na ankuku yɛn ne yɛn man. Na owuo anikrakra baa kuro no mu nyinaa, na Nyankopɔn nsa yɛɛ duru wɔ wɔn so wɔ hɔ.

1 Samuel 5:9

Na wɔsoa kɔeɛ no, AWURADE nsa baa kuro no so, ebumbɔ kɛseɛ pa ara, na ɔbobɔɔ kuro no mufoɔ nketewa ne akɛseɛ nyinaa na mpɔmpɔ sisii wɔn.

1 Samuel 6:8

na momfa AWURADE adaka no nsi teaseɛnam no so, na momfa sika nnwinneɛ a mode rekɔyɛ asodie afɔdeɛ ama no no ngu adakawa mu mfa nsi nkyɛn, na monnya no kwan na ɛnkɔ.