1 Mose 42:6 - New Revised Asante Twi Bible

⁶ Na Yosef ne asase no so tumfoɔ, ɔne deɛ ɔtɔn aduane ma asase no sofoɔ nyinaa. Na Yosef nuanom ba bɛkotoo no de wɔn anim butubutuu fam.

Twerɛ Kronkron

⁶ Na Yosef ne asase no so tumfoɔ, ɔne deɛ ɔtɔn aduane ma asase no sofoɔ nyinaa. Na Yosef nuanom ba bɛkotoo no de wɔn anim butubutuu fam.

Akuapem Twi Nkwa Asɛm

⁶ Na Yosef yɛ amrado wɔ Misraim asase so. Ɔno na ɔtɔn aburow ma nnipa nyinaa wɔ ɔman no mu. Yosef nuabarimanom no koduu nʼanim no, wobuu no nkotodwe, de wɔn anim nso butubutuw fam.

Asante Twi Nkwa Asɛm

⁶ Na Yosef yɛ amrado wɔ Misraim asase so. Ɔno na ɔtɔn aburoo ma nnipa nyinaa wɔ ɔman no mu. Yosef nuammarima no kɔduruu nʼanim no, wɔbuu no nkotodwe, de wɔn anim nso butubutuu fam.

KYERƐW KRONKRON

⁶ Na Yosef ne asase no so tumfo, ɔne nea ɔtɔn aduan ma asase no sofo nyinaa. Na Yosef nuanom bae bɛkotow no de wɔn anim butubutuw fam.

1 Mose 42:6 Iomraidhean Croise

1 Mose 18:2

Na ɔmaa n’ani so hwɛe, na hwɛ, mmarima baasa abɛgyina ne ntentensoɔ. Na ɔhunuu wɔn no, ɔfirii ne ntomadan pono ano tuu mmirika kɔhyiaa wɔn, na ɔbɔɔ ne mu ase

1 Mose 19:1

Na abɔfoɔ baanu no duruu Sodom anwummerɛ; na Lot te Sodom kuro pono ano. Na Lot hunuu wɔn no, ɔsɔre kɔhyiaa wɔn, na ɔbɔɔ ne mu ase kaa sɛ:

1 Mose 33:3

Na ɔno ara deɛ ɔsene dii wɔn anim, na ɔbɔɔ ne mu ase kɔɔ fam mprɛnson de kɔsii sɛ ɔduruu ne nua nkyɛn.

1 Mose 41:43

Na ɔmaa no tenaa ne teaseɛnam a ɛtɔ so mmienu mu, na wɔteaa mu dii n’anim sɛ: Monkoto! Na ɔde no sii Misraim asase nyinaa so.

1 Mose 41:54

Na ɛkɔm mfeɛ nson no firii aseɛ bae, sɛdeɛ Yosef kaeɛ no, na ɛkɔm baa nsase nyinaa so na Misraim asase nyinaa so deɛ, na aduane wɔ hɔ.

1 Mose 41:57

Na aman nyinaa baa Misraim bɛtɔɔ aduane wɔ Yosef nkyɛn, ɛfiri sɛ ɛkɔm no mu yɛɛ den wɔ asase no nyinaa so.

1 Mose 44:14

Na Yuda ne ne nuanom baa Yosef fie, na ɔda so wɔ hɔ, na wɔhwehwee n’anim ase.

1 Mose 45:26

na wɔka kyerɛɛ no sɛ: Yosef da so te ase, na ɔdi Misraim asase nyinaa so. Na ne tirim yɛɛ no naa, ɛfiri sɛ na ɔnnye wɔn nni.

1 Mose 45:8

Na afei ɛnyɛ mo na mosomaa me baa ha, na mmom Onyankopɔn na ɔde me abɛyɛ sɛ Farao n’agya ne ne fie nyinaa wura ne Misraim asase nyinaa sodifoɔ.

1 Mose 48:12

Na Yosef yii wɔn firii Yakob nantam, na ɔponoo ne mu de n’anim butuu fam.

Mmebusɛm 11:26

Deɛ ɔkora aburoo no, nkurɔfoɔ dome no, na nhyira ba deɛ ɔtɔn no so.

Yesaia 60:14

Na wo nhyɛsofoɔ mma de akotoakotoɔ bɛba wo nkyɛn, na wɔn a wɔbuu wo animtia nyinaa bɛba abɛbum wo nan ase, na wɔafrɛ wo AWURADE Kuro, Israel Kronkronni no Sion.

Asomafo 7:10

Na ɔyii no firii n’amanehunu nyinaa mu na ɔmaa no adom ne nyansa Farao a ɔyɛ Misraim hene no anim, na ɔde no sii Misraim ne ne fie nyinaa so amrado.

Adiyisɛm 3:9

Hwɛ, mede ebinom a wɔfiri Satan hyiadan mu, a wɔka sɛ wɔyɛ Yudafoɔ, na wɔnyɛ, na mmom wɔdi atorɔ no mema. Hwɛ, mɛma wɔaba na wɔabɛkoto wo nan ase, na wɔahunu sɛ madɔ wo.

1 Samuel 20:41

Abɔfra no kɔeɛ; na Dawid sɔre firii aboɔkuo no ho, na ɔde n’anim bɛbutuu fam na ɔkotoo mprɛnsa, na wɔfefee wɔn ano, na wɔn baanu sui ara maa Dawid deɛ boroo so.