1 Mose 2:4 - New Revised Asante Twi Bible

⁴ Yei ne sɛdeɛ AWURADE Nyankopɔn bɔɔ ɔsoro ne asase.

Twerɛ Kronkron

⁴ Yei ne sɛdeɛ AWURADE Nyankopɔn bɔɔ ɔsoro ne asase.

Akuapem Twi Nkwa Asɛm

⁴ Eyi ne ɔsoro ne asasebɔ ho asɛm. Bere a Awurade Nyankopɔn bɔɔ ɔsoro ne asase no.

Asante Twi Nkwa Asɛm

⁴ Yei ne ɔsoro ne asase bɔ ho asɛm. Ɛberɛ a Awurade Onyankopɔn bɔɔ ɔsoro ne asase no.

KYERƐW KRONKRON

⁴ Eyi ne sɛnea Awurade Nyankopɔn bɔɔ ɔsoro ne asase.

1 Mose 2:4 Iomraidhean Croise

1 Mose 1:1

Mfitiaseɛ no Onyankopɔn bɔɔ ɔsoro ne asase.

1 Mose 1:28

Na Onyankopɔn hyiraa wɔn, na ɔka kyerɛɛ wɔn sɛ: Monwo, na monnɔre, na monyɛ asase so ma, na monya so tumi; na monni ɛpo mu mpataa ne ewiem nnomaa ne mmoa a wɔwɔ asase soɔ nyinaa so.

1 Mose 1:3

Na Onyankopɔn kaa sɛ: Ɛnyɛ hann! Na ɛyɛɛ hann.

1 Mose 1:31

Na Onyankopɔn hunuu deɛ ɔyɛeɛ nyinaa, na hwɛ, ɛyɛ pa ara. Na adeɛ sae, na adeɛ kyee, da a ɛtɔ so nsia ne no.

1 Mose 1:4

Na Onyankopɔn hunuu hann no sɛ ɛyɛ. Na Onyankopɔn paee hann ne esum no mu.

1 Mose 10:1

Na yeinom ne Noa mma Sem, Ham ne Yafet awoɔ ntoatoasoɔ. Na nsuyire no akyi, wɔwoo mma.

1 Mose 11:10

Yeinom ne Sem awoɔ ntoatoasoɔ: Sem dii mfirinhyia ɔha na ɔwoo Arfaksad, nsuyire no akyiri mfeɛ mmienu.

1 Mose 2:3

Na Onyankopɔn hyiraa da a ɛtɔ so nson no so, na ɔtee ho, ɛfiri sɛ ɛno mu na ɔhome firii n’adwuma a ɔyɛeɛ wɔ adebɔ mu no nyinaa ho.

1 Mose 25:12

Na yei ne Abraham ba Ismael a Misraimni Hagar, Sara afenaa no, wo maa Abraham no awoɔ ntoatoasoɔ:

1 Mose 25:19

Na yeinom ne Abraham ba Isak awoɔ ntoatoasoɔ: Abraham woo Isak.

1 Mose 36:1

Na yeinom ne Esau (a wɔfrɛ no Edom) awoɔ ntoatoasoɔ:

1 Mose 36:9

Na yeinom ne Edomfoɔ agya Esau a ɔte Seir bepɔ soɔ no awoɔ ntoatoasoɔ:

1 Mose 5:1

Adam awoɔ ntoatoasoɔ nie: Da a Onyankopɔn bɔɔ onipa no, ɔbɔɔ no ne suban so.

1 Ahene 18:39

Na ɔman no nyinaa hunuiɛ no, wɔde wɔn anim butubutuu fam kaa sɛ: AWURADE, ɔno ne Onyankopɔn! AWURADE, ɔno ne Onyankopɔn!

2 Berɛsosɛm 20:6

na ɔkaa sɛ: AWURADE yɛn agyanom Nyankopɔn, ɛnyɛ wone Onyankopɔn wɔ soro, na wo ara na wodi amanaman ahennie nyinaa soɔ? Na wo nsam na tumi ne mmaninyɛ wɔ, na obiara nni hɔ a ɔbɛtumi agyina w’anim.

Hiob 38:28

Osuo wɔ agya, anaasɛ hwan na ɔwo obosuo a ɛsosɔ?

Hiob 38:4

Ɛhe na na wowɔ berɛ a metoo asase fapem? Sɛ wowɔ nhunumu a, ka ɛ!

Nnwom 18:31

Na hwan ne Nyankopɔn sɛ AWURADE nko, na hwan na ɔyɛ ɔbotan sɛ yɛn Nyankopɔn?

Nnwom 86:10

Na woyɛ kɛseɛ, na woyɛ anwanwadeɛ, wo nkutoo ne Onyankopɔn.

2 Mose 15:3

AWURADE yɛ dɔmmarima, AWURADE ne ne din.

2 Mose 6:16

Na yeinom ne Lewi mma din wɔn awoɔ ntoatoasoɔ mu: Gerson, Kohat ne Merari. Na Lewi mfeɛ a ɔdiiɛ yɛ mfeɛ ɔha aduasa nson.

Yesaia 44:6

Sɛ AWURADE, Israel hene, ne ne Gyefoɔ, asafo AWURADE seɛ nie: Mene odikanfoɔ na mene okyidifoɔ, na Onyankopɔn biara nni hɔ gye me nko.

Adiyisɛm 1:4

Yohane de kɔma asafo ahodoɔ nson a ɛwɔ Asia no: Adom ne asomdwoeɛ mfiri deɛ ɔwɔ hɔ seesei, deɛ na ɔwɔ hɔ dada, deɛ ɔreba no ne ahonhom nson a ɛwɔ n’ahennwa anim,

Adiyisɛm 1:8

Awurade se: Mene Alfa ne Omega no, deɛ ɔwɔ hɔ, na ɔwɔ hɔ dada na ɔreba, adeɛ nyinaa so tumfoɔ no.

Adiyisɛm 11:17

kaa sɛ: Yɛda wo, Awurade Nyankopɔn, ade nyinaa so Tumfoɔ a na wowɔ hɔ dada, na wowɔ hɔ no ase, sɛ woafa wo tumi kɛseɛ, na woadi hene.

Adiyisɛm 16:5

Na metee sɛ nsuo so bɔfoɔ no se: Wo a wowɔ hɔ, na wowɔ hɔ dada, na woyɛ kronkron, wotene, ɛfiri sɛ woabu atɛn saa,