Sealm 96:4 - Anglo-Saxon Psalms c.890-950 AD

⁴ He is se mycla god; ­ ­ ­ ­ ­for þon hine mæn sculon elne herian; ­ ­ ­ ­ ­he is egeslic god ofer ealle godu ­ ­ ­ ­ ­eorðbuendra.

Sealm 96:4 Iomraidhean Croise

Sealm 145:3

Mycel is Drihten, ­ ­ ­ ­ ­hine man mægene sceal holde mode ­ ­ ­ ­ ­herian swiðe; nis his micelmodes ­ ­ ­ ­ ­mægenes ende.

Sealm 150:2

Heriað hine swylce ­ ­ ­ ­ ­on his heahmihtum, heriað hine æfter mode ­ ­ ­ ­ ­his mægenþrymmes.

Sealm 18:3

Herigende ic clypige to þe, Drihten, and fram minum feondum ic weorðe ahredd.

Sealm 48:1

Mycel ys se Drihten ure God, and swyþe to herianne on þære byrig ures Drihtnes and on his þam halgan munte.

Sealm 66:3

And gode secgeað, ­ ­ ­ ­ ­hu his þa goodan weorc syndon wundorlice ­ ­ ­ ­ ­wide geond eorðan, and eac on menigeo ­ ­ ­ ­ ­mægenes þines þine feondas þe ­ ­ ­ ­ ­fæcne leogað.

Sealm 66:5

Cumað nu and geseoð, ­ ­ ­ ­ ­hu cyme weorc Drihten worhte; ­ ­ ­ ­ ­synt his domas eac swiþe egeslice ­ ­ ­ ­ ­ofer eall ylda bearn.

Sealm 76:7

is þin egesa mycel; ­ ­ ­ ­ ­hwylc mæg æfre þe, gif þu yrre byst, ­ ­ ­ ­ ­ahwær wiðstandan?

Sealm 86:10

For ðan ðu eart se mycla ­ ­ ­ ­ ­mihtiga Drihten, þe wundor miht ­ ­ ­ ­ ­wyrcean ana.

Sealm 89:7

Þu bist gewuldrad god, ­ ­ ­ ­ ­þær bið wisra geðeaht and haligra ­ ­ ­ ­ ­heah gemetincg, micel and egeslic ­ ­ ­ ­ ­ofer eall manna bearn, ða ðe on ymbhwyrfte ­ ­ ­ ­ ­ahwær syndon.

Sealm 95:3

For ðon is se micla god ­ ­ ­ ­ ­mihtig Drihten and se micla cynincg ­ ­ ­ ­ ­ofer eall manna godu.