Sealm 96:10 - Anglo-Saxon Psalms c.890-950 AD

¹⁰ He ferhtlic riht ­ ­ ­ ­ ­folcum demeð and on his yrre ­ ­ ­ ­ ­ealle þeode.

Sealm 96:10 Iomraidhean Croise

Sealm 126:2

Sona beoð gefylde ­ ­ ­ ­ ­mid gefean syþþan muðas ure, ­ ­ ­ ­ ­and we ma sprecað, beoð ure tungan ­ ­ ­ ­ ­teala wynsume.

Sealm 18:49

For þam ic ðe andette, Drihten, beforan folcum, and on þinum naman ic singe sealmas.

Sealm 46:10

“Geæmetgiað eow nu, and gesioð þæt ic eom ana God and me nu upahebbe ofer ða elðeodegan folc, and eac on þysum folce ic beo nu upahæfen.”

Sealm 46:6

And gedrefed wæron þa elðeodgan folc, and hiora rice wæs gehnæged; se hyhsta sende his word and gehwyrfed wæs ure land and ure folc to beteran, and hi and heora land to wyrsan.

Sealm 58:11

And þonne man cweþeð ­ ­ ­ ­ ­on his modsefan: þis is wæstm ­ ­ ­ ­ ­wises and goodes, þe his soðfæst weorc ­ ­ ­ ­ ­symble læste; hi on eorðan God ­ ­ ­ ­ ­ealle gedemeð.

Sealm 59:13

forðon hi on ende ­ ­ ­ ­ ­yrre forgripeð and hi syþþan ne beoð ­ ­ ­ ­ ­samod ætgædere. Syððan hi wisslice witon, ­ ­ ­ ­ ­þætte wealdeð God ofer middangeard ­ ­ ­ ­ ­manna cynnes and ealra eac ­ ­ ­ ­ ­eorðan gemæru.

Sealm 67:4

Hæbbe þæs gefean ­ ­ ­ ­ ­folca æghwylc and blissien ­ ­ ­ ­ ­bealde þeoda, þæs þe þu hi on rihtum ­ ­ ­ ­ ­rædum demest and eorðbuende ­ ­ ­ ­ ­ealle healdest.

Sealm 7:9

Geenda nu þæt yfel þæra unrihtwisra, and gerece and geræd þa rihtwisan, þu, Drihten, þe smeast heortan and ædra and manna geþohtas.

Sealm 9:8

and he demð ealre eorþan swyðe emne. He demð folcum mid rihte;

Sealm 9:9

he ys geworden friðstow ðearfendra. And gefultumend þu eart, Drihten, æt ælcere ðearfe.

Sealm 93:1

Drihten hine gegyrede ­ ­ ­ ­ ­gōde strengðe, and hine þa mid micle ­ ­ ­ ­ ­mægene begyrde. Drihten rixað, ­ ­ ­ ­ ­dema usser, and hine mid weorðlice ­ ­ ­ ­ ­wlite gegyrede. And þa ymbhwyrft ­ ­ ­ ­ ­eorþan getrymede, swa folde stod ­ ­ ­ ­ ­fæste syþþan.

Sealm 96:13

for andwlitan ­ ­ ­ ­ ­ecean Drihtnes, for þon he cwom ­ ­ ­ ­ ­on cyneðrymme, þæt he þas eorðan ­ ­ ­ ­ ­ealle demde. Þonne he ymbhwyrft ­ ­ ­ ­ ­eorðan folca soðe and rihte ­ ­ ­ ­ ­syþþan demeð.

Sealm 98:9

He ymbhwyrft ­ ­ ­ ­ ­eorþan demeð soðe and rihte, ­ ­ ­ ­ ­and his syndrig folc on rihtnesse ­ ­ ­ ­ ­ræde gebringeð.