Sealm 93:2 - Anglo-Saxon Psalms c.890-950 AD

² Gearu is þin setl, ­ ­ ­ ­ ­and þu, ece God, ær worulde fruman, ­ ­ ­ ­ ­wunast butan ende.

Sealm 93:2 Iomraidhean Croise

Sealm 145:13

Rice is þin, Drihten, ­ ­ ­ ­ ­ræde gefæstnod, and þu woruldricum ­ ­ ­ ­ ­wealdest eallum; is þin anweald eac ­ ­ ­ ­ ­ofer eorðware of cynne on cynn ­ ­ ­ ­ ­and on cneorissum. Drihten is on wordum ­ ­ ­ ­ ­dædum getreowe and on eallum his weorcum ­ ­ ­ ­ ­wis and halig.

Sealm 45:6

Þin setl is, Drihten, on weorulda weoruld; swiðe ryht is seo cynegyrd þines rices, seo gerecð ælcne mann oþþe to þinum willan oððe to wite.

Sealm 55:20

Heo besmitað ­ ­ ­ ­ ­swylce his sylfes þa gewitnesse, ­ ­ ­ ­ ­þær hi woh fremedon; for ðon hi synt on yrre ­ ­ ­ ­ ­ut adælde, ne hi sylfe wel ­ ­ ­ ­ ­geseon æfre, for ðon hit wæs his heortan ­ ­ ­ ­ ­gehygde neah.

Sealm 90:2

Ær ðon munta gesceaft ­ ­ ­ ­ ­ofer middangeard oððe ymbhwyrft ­ ­ ­ ­ ­eorðan wære oþþe world wære, ­ ­ ­ ­ ­þu eart, wuldres god.