Sealm 93:1 - Anglo-Saxon Psalms c.890-950 AD

¹ Drihten hine gegyrede ­ ­ ­ ­ ­gōde strengðe, and hine þa mid micle ­ ­ ­ ­ ­mægene begyrde. Drihten rixað, ­ ­ ­ ­ ­dema usser, and hine mid weorðlice ­ ­ ­ ­ ­wlite gegyrede. And þa ymbhwyrft ­ ­ ­ ­ ­eorþan getrymede, swa folde stod ­ ­ ­ ­ ­fæste syþþan.

Sealm 93:1 Iomraidhean Croise

Sealm 103:19

On heofenhame ­ ­ ­ ­ ­halig Drihten his heahsetl ­ ­ ­ ­ ­hror timbrade, þanon he eorðricum ­ ­ ­ ­ ­eallum wealdeð.

Sealm 145:13

Rice is þin, Drihten, ­ ­ ­ ­ ­ræde gefæstnod, and þu woruldricum ­ ­ ­ ­ ­wealdest eallum; is þin anweald eac ­ ­ ­ ­ ­ofer eorðware of cynne on cynn ­ ­ ­ ­ ­and on cneorissum. Drihten is on wordum ­ ­ ­ ­ ­dædum getreowe and on eallum his weorcum ­ ­ ­ ­ ­wis and halig.

Sealm 18:32

Se God me gegyrde mid mægnum and mid cræftum and gesette mine wegas unwæmme.

Sealm 59:13

forðon hi on ende ­ ­ ­ ­ ­yrre forgripeð and hi syþþan ne beoð ­ ­ ­ ­ ­samod ætgædere. Syððan hi wisslice witon, ­ ­ ­ ­ ­þætte wealdeð God ofer middangeard ­ ­ ­ ­ ­manna cynnes and ealra eac ­ ­ ­ ­ ­eorðan gemæru.

Sealm 65:6

Þinre mihte sculon ­ ­ ­ ­ ­muntas hyran;

Sealm 65:7

swylce þu gedrefest ­ ­ ­ ­ ­deope wælas þæt byð ormætum ­ ­ ­ ­ ­yþa hlude and hi uneaðe mæg ­ ­ ­ ­ ­ænig aræfnan.

Sealm 75:3

Eorðe is gemolten ­ ­ ­ ­ ­and hire eardend mid; ic þonne hire swyre ­ ­ ­ ­ ­symble getrymme.

Sealm 96:10

He ferhtlic riht ­ ­ ­ ­ ­folcum demeð and on his yrre ­ ­ ­ ­ ­ealle þeode.

Sealm 97:1

Rixað nu mid rihte ­ ­ ­ ­ ­rice Drihten; is eorðe nu ­ ­ ­ ­ ­eac on blisse, and þæs fægerne ­ ­ ­ ­ ­gefean habbað ealanda mænig ­ ­ ­ ­ ­ut on garsæcge.

Sealm 99:1

Rixað Drihten, ­ ­ ­ ­ ­and he reðe folc healdeð on yrre ­ ­ ­ ­ ­ungemete swiðe; sitteð ofer cherubin, ­ ­ ­ ­ ­se þe sona mæg ana eorðware ­ ­ ­ ­ ­ealle onstyrian.