Sealm 89:4 - Anglo-Saxon Psalms c.890-950 AD

⁴ þæt ic his cynne ­ ­ ­ ­ ­and cneowmagum on ecnesse ­ ­ ­ ­ ­a geworhte ful sefte seld, ­ ­ ­ ­ ­þæt hi sæton on.

Sealm 89:4 Iomraidhean Croise

Sealm 132:11

Þæs deopne að ­ ­ ­ ­ ­Drihten aswor and þone mid soðe ­ ­ ­ ­ ­swylce getrymede, þæt he hine for hole ­ ­ ­ ­ ­ær ne aswore, gehet Dauide, ­ ­ ­ ­ ­swa he him dyde syþþan, Þæt he weorðlicne ­ ­ ­ ­ ­wæstm gesette þe of his innaðe ­ ­ ­ ­ ­agenum cwome, ofer þin heahsetl; ­ ­ ­ ­ ­

Sealm 132:12

gif nu healdað well þines sylfes bearn ­ ­ ­ ­ ­soðe treowa and þa gewitnesse, ­ ­ ­ ­ ­þe ic hig wel lære, Þonne hiora suna ­ ­ ­ ­ ­swylce motan a þysse worulde ­ ­ ­ ­ ­wynnum brucan and on þinum setle ­ ­ ­ ­ ­sittan geneahhe.

Sealm 72:17

Þonne byð his nama ­ ­ ­ ­ ­ofer eall niða bearn and to widan feore ­ ­ ­ ­ ­weorðeð gebletsod; ær sunnan his nama ­ ­ ­ ­ ­soðfæst standeð, byð his setl ær ­ ­ ­ ­ ­swylce þonne mona. And him byð eorþan cynn ­ ­ ­ ­ ­eall gebletsad; ealle hine þeoda ­ ­ ­ ­ ­þriste heriað.

Sealm 89:1

Mildheortnesse þine, ­ ­ ­ ­ ­mihtig Drihten, ic on ecnesse ­ ­ ­ ­ ­awa singe; fram cynne on cynn ­ ­ ­ ­ ­and on cneorisse ic þine soðfæstnesse ­ ­ ­ ­ ­secge geneahhe on minum muþe ­ ­ ­ ­ ­manna cynne.

Sealm 89:29

Ic to widan feore ­ ­ ­ ­ ­wyrce syððan þin heahsetl ­ ­ ­ ­ ­hror and weorðlic swa heofones dagas ­ ­ ­ ­ ­her mid mannum.

Sealm 89:36

þæt on ecnesse ­ ­ ­ ­ ­his agen cynn wunað on wicum; ­ ­ ­ ­ ­

Sealm 89:50

Gemune þinra esna ­ ­ ­ ­ ­edwitspræce, þa him fracuðlice ­ ­ ­ ­ ­fremde þeode utan ætywað, ­ ­ ­ ­ ­oðre mægðe.