Sealm 89:2 - Anglo-Saxon Psalms c.890-950 AD

² For þon þa ðu cwæde ­ ­ ­ ­ ­cuðe worde, þæt on ecnesse ­ ­ ­ ­ ­awa wære þin milde mod ­ ­ ­ ­ ­micel getimbrad heah on heofenum ­ ­ ­ ­ ­hæleða bearnum and þin soðfestnes ­ ­ ­ ­ ­symble gearwad.

Sealm 89:2 Iomraidhean Croise

Sealm 103:17

Þin mildheortnes, ­ ­ ­ ­ ­mihtig Drihten, þurh ealra worulda woruld ­ ­ ­ ­ ­wislic standeð, deorust and gedefust ­ ­ ­ ­ ­ofer ealle þa þe ondrædað him.

Sealm 119:89

On ecnesse ­ ­ ­ ­ ­awa, Drihten, þin word wunað ­ ­ ­ ­ ­weorð on heofenum.

Sealm 146:6

Se þe heofon worhte, ­ ­ ­ ­ ­hrusan swylce and sidne sæ ­ ­ ­ ­ ­samed ætgædere, and ealle þa þe him on ­ ­ ­ ­ ­ahwær syndon. He his soðfæst word ­ ­ ­ ­ ­swylce gehealdeð, and on worulde his ­ ­ ­ ­ ­wise domas

Sealm 36:5

Drihten, þin mildheortnes is on heofonum, and þin rihtwisnes is upp oð þa wolcnu.

Sealm 40:11

Ac ne do þu, Drihten, þæt þin mildheortnes sy me afyrred, for þam þin mildheortnes and þin soðfæstnes me symle underfengon.

Sealm 42:1

Swa heort wilnað to wætre þonne he werig byð oþþe ofþyrst, swa wilnað min sawl and min mod to þe, Drihten.

Sealm 89:37

bið him weorðlic setl on minre gesihðe ­ ­ ­ ­ ­sunnan anlic and swa mona ­ ­ ­ ­ ­meahte on heofenum, þe is ece gewita ­ ­ ­ ­ ­æhwær getreowe.”

Sealm 89:5

Heofenas andettað, ­ ­ ­ ­ ­halig Drihten, hu wundor þin ­ ­ ­ ­ ­wræclic standeð, and þa halgan eac ­ ­ ­ ­ ­hergeað on cyricean þine soðfæstnesse, ­ ­ ­ ­ ­secgeað geneahhige.