Sealm 89:1 - Anglo-Saxon Psalms c.890-950 AD

¹ Mildheortnesse þine, ­ ­ ­ ­ ­mihtig Drihten, ic on ecnesse ­ ­ ­ ­ ­awa singe; fram cynne on cynn ­ ­ ­ ­ ­and on cneorisse ic þine soðfæstnesse ­ ­ ­ ­ ­secge geneahhe on minum muþe ­ ­ ­ ­ ­manna cynne.

Sealm 89:1 Iomraidhean Croise

Sealm 101:1

Mildheortnesse and dom ­ ­ ­ ­ ­mihtigan Drihtnes singe and secge, ­ ­ ­ ­ ­

Sealm 106:1

Ic andette ­ ­ ­ ­ ­ecum Drihtne, georne ðam gleawan, ­ ­ ­ ­ ­forðan ic hine gōdne wat; for þon he his mildheortnysse ­ ­ ­ ­ ­mannum cyðde, on ðysse worulde ­ ­ ­ ­ ­wis gestandeð.

Sealm 119:90

And on worulda woruld ­ ­ ­ ­ ­wunað ece forð þin soðfæstnes ­ ­ ­ ­ ­swylce, Dryhten.

Sealm 36:5

Drihten, þin mildheortnes is on heofonum, and þin rihtwisnes is upp oð þa wolcnu.

Sealm 59:16

Ic þonne ðine strengþu ­ ­ ­ ­ ­stundum singe and ðin milde mod ­ ­ ­ ­ ­morgena gehwylce. Forðon þu min andfengea ­ ­ ­ ­ ­æghwær wære and ic helpe æt ðe ­ ­ ­ ­ ­hæfde symble, þonne me costunge ­ ­ ­ ­ ­cnysedon geneahhige;

Sealm 71:8

Sy min muð and min mod ­ ­ ­ ­ ­mægene gefylled, þæt ic þin lof mæge ­ ­ ­ ­ ­lustum singan and wuldur þin ­ ­ ­ ­ ­wide mærsian and þe ealne dæg ­ ­ ­ ­ ­æghwær herian.

Sealm 88:11

Ne on ðeostrum ne mæg ­ ­ ­ ­ ­þances gehygdum ænig wislicu ­ ­ ­ ­ ­wundur oncnawan, oððe þin soðfæstnes ­ ­ ­ ­ ­si on þam lande þe ofergytnes ­ ­ ­ ­ ­on eardige. Cwist þu, oncnawað hi ­ ­ ­ ­ ­wundru ðine on ðam dimmum ­ ­ ­ ­ ­deorcan ðystrum, oððe ðine rihtwisnesse ­ ­ ­ ­ ­recene gemeteð on ofergyttolnesse ­ ­ ­ ­ ­manna ænig?

Sealm 89:24

Hine soðfæstnes min ­ ­ ­ ­ ­samod ætgædere and mildheortnes min ­ ­ ­ ­ ­mægene healdeð, and on naman minum ­ ­ ­ ­ ­neode swylce his horn bið ahafen, ­ ­ ­ ­ ­heane on mihtum.

Sealm 89:33

Ne ic him mildheortnesse ­ ­ ­ ­ ­mine wille fægere afyrran, ­ ­ ­ ­ ­ac him forð swa þeah mine soðfæstnesse ­ ­ ­ ­ ­syllan þence.

Sealm 89:49

Hwær is seo ealde nu, ­ ­ ­ ­ ­ece Drihten, micel mildheortness, ­ ­ ­ ­ ­þe þu mancynne and Dauide ­ ­ ­ ­ ­deope aðe þurh þines sylfes ­ ­ ­ ­ ­soð benemdest?

Sealm 89:8

Þu eart mægena god, ­ ­ ­ ­ ­mihtig Drihten; nis þe ealra gelic ­ ­ ­ ­ ­ahwær on spedum, is þin soðfæstnes ­ ­ ­ ­ ­symble æghwær.

Sealm 92:2

And þonne on morgene ­ ­ ­ ­ ­mægene sæcge, hu he milde wearð ­ ­ ­ ­ ­manna cynne, and his soðe ­ ­ ­ ­ ­sæcge nihtes.