Sealm 86:9 - Anglo-Saxon Psalms c.890-950 AD

⁹ Ealle þu geworhtest ­ ­ ­ ­ ­wera cneorissa, þa þe weorðiað, ­ ­ ­ ­ ­wuldres aldor, and naman Drihtnes ­ ­ ­ ­ ­neode cigeað.

Sealm 86:9 Iomraidhean Croise

Sealm 102:15

For þon neodlice ­ ­ ­ ­ ­on naman ðinum ealle eorðbuend ­ ­ ­ ­ ­egsan habbað, and þin wuldor ongitað ­ ­ ­ ­ ­wise cyningas.

Sealm 102:18

Ða wislice ­ ­ ­ ­ ­awriten standað and on cneoressum ­ ­ ­ ­ ­cyðed syndan, þæt he folc gesceop; ­ ­ ­ ­ ­fægere Drihten herað holdlice ­ ­ ­ ­ ­hrore geþance.

Sealm 66:4

Geweorðie ­ ­ ­ ­ ­wuldres ealdor eall ðeos eorþe, ­ ­ ­ ­ ­ecne Drihten; and þe singe eac, ­ ­ ­ ­ ­secge geneahhie, þæt þin nama is ­ ­ ­ ­ ­ofer eall niða bearn se hehsta ­ ­ ­ ­ ­hæleþa cynnes.

Sealm 67:7

and user god ­ ­ ­ ­ ­eac bletsige; hæbbe his egesan eall ­ ­ ­ ­ ­eorþan gemæru.

Sealm 72:19

si his mihta nama ­ ­ ­ ­ ­mode gebletsad on ecnesse ­ ­ ­ ­ ­awa to worlde. And þeos eorðe si ­ ­ ­ ­ ­eall gefylled, þurh his wuldres miht. ­ ­ ­ ­ ­Wese swa, wese swa!

Sealm 72:8

He þonne wealdeð ­ ­ ­ ­ ­wera cneorissum be sæ tweonum, ­ ­ ­ ­ ­sidum ricum, and fram streamracum ­ ­ ­ ­ ­styreð him eallum oþ þysse eorðan ­ ­ ­ ­ ­utgemæru.