Sealm 86:8 - Anglo-Saxon Psalms c.890-950 AD

⁸ Nis þe goda ænig ­ ­ ­ ­ ­on gumrice ahwær efne gelic, ­ ­ ­ ­ ­ece Drihten, ne ðe weorc magon ­ ­ ­ ­ ­wyrcean anlic.

Sealm 86:8 Iomraidhean Croise

Sealm 135:5

Ic þæt gearwe ongeat, ­ ­ ­ ­ ­þæt is god and mycel Drihten ure; ­ ­ ­ ­ ­for þon him dom standeð ofer ealle godu ­ ­ ­ ­ ­eorðbuendra.

Sealm 136:4

He wundur dyde ­ ­ ­ ­ ­weorþlic ana;

Sealm 89:6

Nis under wolcnum, ­ ­ ­ ­ ­weoroda Drihten, ænig anlic, ­ ­ ­ ­ ­ne ðe ænig byð betweox godes bearnum ­ ­ ­ ­ ­gyt gelicra.

Sealm 89:7

Þu bist gewuldrad god, ­ ­ ­ ­ ­þær bið wisra geðeaht and haligra ­ ­ ­ ­ ­heah gemetincg, micel and egeslic ­ ­ ­ ­ ­ofer eall manna bearn, ða ðe on ymbhwyrfte ­ ­ ­ ­ ­ahwær syndon.

Sealm 89:8

Þu eart mægena god, ­ ­ ­ ­ ­mihtig Drihten; nis þe ealra gelic ­ ­ ­ ­ ­ahwær on spedum, is þin soðfæstnes ­ ­ ­ ­ ­symble æghwær.

Sealm 95:3

For ðon is se micla god ­ ­ ­ ­ ­mihtig Drihten and se micla cynincg ­ ­ ­ ­ ­ofer eall manna godu.