Sealm 86:14 - Anglo-Saxon Psalms c.890-950 AD

¹⁴ God min se leofa, ­ ­ ­ ­ ­gramhydige me mid unrihte ­ ­ ­ ­ ­oft onginnað, and gesamnincge ­ ­ ­ ­ ­swiðmihtigra sohton mine sawle ­ ­ ­ ­ ­swyþe geneahhe; ne doð him for awiht ­ ­ ­ ­ ­egsan Drihtnes.

Sealm 86:14 Iomraidhean Croise

Sealm 10:11

He cwæð ær on his mode: “Ne geþencð God þyllices, ac ahwyrfð his eagan þæt he hit næfre ne gesyhð.”

Sealm 10:13

For þam bysmrað se unrihtwisa Drihten, for ðam he cwyð on his mode: “Ne recþ God þeah ic þus do.”

Sealm 10:4

and for þære menigu his unrihtes he ne geðencð þæt God hit mæg gewrecan. For þam he ne deð God beforan his modes ansyne,

Sealm 119:51

Oftust ofermodige ­ ­ ­ ­ ­unriht fremmað, oþþæt hi on eorðan ­ ­ ­ ­ ­ealle forweorðað; ic þinre æ ­ ­ ­ ­ ­a folgode.

Sealm 119:69

Ys nu mænigfeald ofer me ­ ­ ­ ­ ­man and unriht oferhydigra; ­ ­ ­ ­ ­ic nu mid ealre minre heortan hige ­ ­ ­ ­ ­hycge swiðe, þæt ic þin bebod ­ ­ ­ ­ ­beorht atredde.

Sealm 119:85

Me manwyrhtan ­ ­ ­ ­ ­manige on spellum sægdon soðlice; ­ ­ ­ ­ ­na ic hit swa oncneow, swa hit þin æ hafað, ­ ­ ­ ­ ­ece Dryhten.

Sealm 14:4

Hwi ne ongitað ealle þe unriht wyrcað - þa þe wilniað fretan min folc swa ænne hlaf, þa ne clypiað to Gode mid gōdum weorcum -

Sealm 140:5

Þa on hyge þohtan, ­ ­ ­ ­ ­þæt hi ahyltan me and minne gang ­ ­ ­ ­ ­georne swylce, forhyddan oferhygde me ­ ­ ­ ­ ­inwitgyrene, wraðan wealsadan ­ ­ ­ ­ ­wundnum rapum; woldan mine fotas ­ ­ ­ ­ ­gefæstnian, settan me swyce, ­ ­ ­ ­ ­þær ic siþade.

Sealm 36:1

Se unrihtwisa cwyþ on his mode þæt he wylle syngian. For þam Godes ege nis beforan his eagum,

Sealm 36:11

Ne læt þu me oftredan þa ofermodan under heora fotum, and þara synfullena handa me na ne styrien,

Sealm 54:3

For þam me fremde oft ­ ­ ­ ­ ­facne gestodon, sohtan mine sawle ­ ­ ­ ­ ­swiðe strange, and na heom God setton ­ ­ ­ ­ ­gleawne on gesyhðe.

Sealm 54:5

Afyr me fæcne yfel ­ ­ ­ ­ ­feonda minra, and hi soðfæst toweorp ­ ­ ­ ­ ­syððan wide.