Sealm 85:6 - Anglo-Saxon Psalms c.890-950 AD

⁶ gecyr us georne to ðe, ­ ­ ­ ­ ­Crist ælmihtig, and ðin folc on ðe ­ ­ ­ ­ ­gefeo swiðe.

Sealm 85:6 Iomraidhean Croise

Sealm 138:7

Þeah þe ic on midle ­ ­ ­ ­ ­mānes gange, þær me costunga ­ ­ ­ ­ ­cnyðdan geneahhe, a þu me weredest ­ ­ ­ ­ ­wraþum feondum þe me woldan yrre ­ ­ ­ ­ ­on acyðan; þu me geræhtest ­ ­ ­ ­ ­recene mid handa and me þin swyðre ­ ­ ­ ­ ­sneome hælde.

Sealm 149:2

Israhelas on hine ­ ­ ­ ­ ­eac blissien, and Sione bearn ­ ­ ­ ­ ­symble hihtan swiðust ealra ­ ­ ­ ­ ­[half line missing].

Sealm 53:6

Hwylc Israela ­ ­ ­ ­ ­ece hælu syleð of Sione ­ ­ ­ ­ ­nymðe sylfa God, þonne he his folc ­ ­ ­ ­ ­fægere alyseð of hæftnyde, ­ ­ ­ ­ ­halig Drihten? Þonne Iacob byð ­ ­ ­ ­ ­on glædum sælum and Israelas ­ ­ ­ ­ ­ealle bliðe.

Sealm 71:20

Oft þu me ætywdest ­ ­ ­ ­ ­earfoðes feala on costunge ­ ­ ­ ­ ­cuðra manna, and me yfela feala ­ ­ ­ ­ ­oft oncnyssedest; þonne þu yrre þin ­ ­ ­ ­ ­eft oncyrdest and me of neowelnesse eft ­ ­ ­ ­ ­neoðan alysdest þysse eorðan, ­ ­ ­ ­ ­þe we on buiað.

Sealm 74:1

For hwan þu us, ece God, ­ ­ ­ ­ ­æfre woldest æt ende fram þe ­ ­ ­ ­ ­ahwær drifan? is þin yrre strang ­ ­ ­ ­ ­and egesa mycel ofer þin agen ­ ­ ­ ­ ­eowde sceapa.

Sealm 77:8

oððe wiþ ende ­ ­ ­ ­ ­æfre to worulde his milde mod ­ ­ ­ ­ ­mannum afyrran on woruldlife ­ ­ ­ ­ ­wera cneorissum.

Sealm 80:18

ne gewitað we fram ðe. Ac þu us wel cwica, ­ ­ ­ ­ ­wealdend mihtig; we naman þinne ­ ­ ­ ­ ­neode cigeað.

Sealm 90:14

We synd gefyllede ­ ­ ­ ­ ­fægere on mergenne þinre mildheortnesse; ­ ­ ­ ­ ­þæs we on mode nu habbað ealle dagas ­ ­ ­ ­ ­æþele blisse.