Sealm 73:2 - Anglo-Saxon Psalms c.890-950 AD

² me fornean syndon ­ ­ ­ ­ ­losode nu ða ealle on foldan ­ ­ ­ ­ ­fota gangas.

Sealm 73:2 Iomraidhean Croise

Sealm 116:8

For þon þu mine sawle ­ ­ ­ ­ ­sylfa generedyst, and hig of deopum ­ ­ ­ ­ ­deaþe gelæddest; eagan mine wið teanim ­ ­ ­ ­ ­æghwær geheolde and fet mine ­ ­ ­ ­ ­wið færslide;

Sealm 17:15

Ic þonne rihtwis me oðywe beforan þinre ansyne and beo þonne gefylled ealles goodes, þonne me byð æteawed ðin wuldor.

Sealm 17:5

Geriht, Drihten, mine stæpas on þine wegas, þæt ic ne aslide þær þær ic stæppan scyle.

Sealm 35:13

Ic, þa þa hi me swa hefige wæron, dyde me witehrægl an, and gebigde min mod to fæstenne, and min gebedo wendon eft to me on minne agenne bosm, for þam heora nolde onfon se dema, þe ic hi to sende.

Sealm 38:16

For þæm ic symle bæd þæt næfre mine fynd ne gefægen æfter me, þy læs hi mægen sprecan ungemetlico word ongean me, gif hy geseon þæt mine fet slidrien.

Sealm 5:7

Ic þonne hopiende to þinre þære myclan mildheortnesse, ic gange to þinum huse, Drihten, and me gebidde to þinum halgan altare, on ðinum ege.

Sealm 94:18

Gif ic þæs sægde, ­ ­ ­ ­ ­þæt min sylfes fot ful sarlice ­ ­ ­ ­ ­asliden wære, þa me mildheortnes ­ ­ ­ ­ ­mihtigan Drihtnes gefultumede, ­ ­ ­ ­ ­þæt ic feorh ahte.