Sealm 73:12 - Anglo-Saxon Psalms c.890-950 AD

¹² Þi nu fyrenfulle ­ ­ ­ ­ ­foldan æhta and þysse worulde welan ­ ­ ­ ­ ­wynnum namon.

Sealm 73:12 Iomraidhean Croise

Sealm 17:14

and of þære wræce minra feonda alys me mid þinre handa and mid þine mægene. Drihten, gedo þæt heora menigo sy læsse þonne ure feawena nu is, and tostence hi geond eorþan, libbende, of þis lande. Gefyl hie nu mid þære witnunga þe þu lange gehyd hæfdest, and þeah him geteohhod. Weorþen hi swa geðræste mid hungre, þæt hi eton swynen flæsc (þæt Iudeum unalyfedlic ys to etanne) and þæt þæt hi læfon, healdan heora bearnum and heora bearna bearnum.

Sealm 37:35

Ic geseah þone unrihtwisan swiðe upahafenne swa swa sum cedertreow on Libanus munte.

Sealm 49:6

Ongitan nu, þa þe truwiað heora agenum mægene, and þære mycelnesse hiora speda gylpað and wuldrað:

Sealm 52:7

... fore ænigre ­ ­ ­ ­ ­egesan næfde ne him fultum þær ­ ­ ­ ­ ­fæstne gelyfde; ac he on his welan spede ­ ­ ­ ­ ­wræste getruwode, and on idel gylp ­ ­ ­ ­ ­ealra geornost.

Sealm 62:10

Nellað ge gewenan ­ ­ ­ ­ ­welan unrihte oþþe to reaflace ­ ­ ­ ­ ­ræda þencean. Þeah þe eow wealan to ­ ­ ­ ­ ­weamum flowen, nyllan ge eow on heortan þa ­ ­ ­ ­ ­hige staðelian;