Sealm 71:9 - Anglo-Saxon Psalms c.890-950 AD

⁹ Ne aweorp þu me, ­ ­ ­ ­ ­wuldres ealdor, þonne me ylde tid ­ ­ ­ ­ ­on gesige; þonne me mægen and mod ­ ­ ­ ­ ­mylte on hreðre, ne forlæt þu me, ­ ­ ­ ­ ­lifiende god.

Sealm 71:9 Iomraidhean Croise

Sealm 71:18

A ic wundor þin ­ ­ ­ ­ ­weorþlic sægde, and ic þæt wið oryldu ­ ­ ­ ­ ­awa fremme; ne forlæt þu me, ­ ­ ­ ­ ­lifigende god, Oð ðæt ic þines earmes ­ ­ ­ ­ ­eall asecge stiþe strencðe ­ ­ ­ ­ ­þisse cneorisse, eallum þam teohhe, ­ ­ ­ ­ ­þe nu toweard ys, Þines mihtes þrym, ­ ­ ­ ­ ­

Sealm 73:26

Me is heorte and flæsc ­ ­ ­ ­ ­hearde geteorad; ys me heortan gehygd ­ ­ ­ ­ ­hyldu Drihtnes and ece dæl ­ ­ ­ ­ ­awa to worulde.

Sealm 90:10

Wæran anlicast ­ ­ ­ ­ ­ure winter geongewifran, ­ ­ ­ ­ ­þonne hio geornast bið, þæt heo afære ­ ­ ­ ­ ­fleogan on nette; beoð ure geardagas ­ ­ ­ ­ ­gnornscendende, þeah þe heora hundred seo ­ ­ ­ ­ ­samod ætgædere. Gif on mihtigum ­ ­ ­ ­ ­mannum geweorðeð, þæt hi hundehtatig ­ ­ ­ ­ ­ylda gebiden, ealle þe þær ofer beoð ­ ­ ­ ­ ­æfre getealde wintra on worulde, ­ ­ ­ ­ ­þa beoð gewinn and sar. Us manðwærnes becwom ­ ­ ­ ­ ­micel ofer ealle and we on þam gefean ­ ­ ­ ­ ­forhte gewurdan.