Sealm 71:13 - Anglo-Saxon Psalms c.890-950 AD

¹³ Beoð gedrette, ­ ­ ­ ­ ­eac gescende, þa mine sawle ær ­ ­ ­ ­ ­swyþust tældun; byð þam scand and sceamu ­ ­ ­ ­ ­þe me syrwedan yfel.

Sealm 71:13 Iomraidhean Croise

Sealm 109:29

Syn ða butan are ­ ­ ­ ­ ­ealle gegyrede þe me tælnysse ­ ­ ­ ­ ­teonan ætfæstan, and him si abrogden ­ ­ ­ ­ ­swa of brechrægle hiora sylfra sceamu ­ ­ ­ ­ ­swyþust ealra.

Sealm 132:18

Ic his feondas eac ­ ­ ­ ­ ­facne gegyrwe mid scame swiðust; ­ ­ ­ ­ ­ofer hine scir cymeð minra segnunga ­ ­ ­ ­ ­soðfæst blostma.

Sealm 35:26

Ac sceamien hy heora and him eac ondrædon (ægðer endemes), þa þe fægniað mines ungelimpes; beslepen hi on hy bysmor and gegyrion hy mid sceame, þa ofersprecan þe me yfel cweðað.

Sealm 35:4

Geleahtrode syn mine fynd, and sceamien heora þa þa secað mine sawle to fordonne. Syn hi gecyrde on earsling and scamien heora, þa þe me ðenceað yfeles.

Sealm 6:10

Sceamian heora for ði and syn gedrefede ealle mine fynd, and gan hy on earsling, and sceamien heora swiðe hrædlice.

Sealm 70:3

And heora æfstu eac ­ ­ ­ ­ ­ealle sceamien, þe me word cwædon: ­ ­ ­ ­ ­“Weg la, weg la!”

Sealm 71:24

Swylce min tunge ­ ­ ­ ­ ­tidum mærde þin soðfæst weorc; ­ ­ ­ ­ ­scende wæron ealle þe me yfel to ­ ­ ­ ­ ­ær gesohton.