Sealm 70:2 - Anglo-Saxon Psalms c.890-950 AD

² Þonne beoð gescende ­ ­ ­ ­ ­and scame dreogað, þa þe mine fynd ­ ­ ­ ­ ­fæcne wæron and mine sawle ­ ­ ­ ­ ­sohton mid niðe. Hi on hinderlincg ­ ­ ­ ­ ­hweorfað and cyrrað; ealle hiora scamien, ­ ­ ­ ­ ­þe me yfel hogedon.

Sealm 70:2 Iomraidhean Croise

Sealm 109:29

Syn ða butan are ­ ­ ­ ­ ­ealle gegyrede þe me tælnysse ­ ­ ­ ­ ­teonan ætfæstan, and him si abrogden ­ ­ ­ ­ ­swa of brechrægle hiora sylfra sceamu ­ ­ ­ ­ ­swyþust ealra.

Sealm 141:1

Ic þe, Drihten, to ­ ­ ­ ­ ­dyrum clypige; gehyr me hrædlice ­ ­ ­ ­ ­holdre stefne, þonne ic bene to þe ­ ­ ­ ­ ­bidde ceare full.

Sealm 22:12

Me ymbhringdon swiðe mænige calfru (þæt synt, lytle and niwe fynd), and þa fættan fearas me ofsæton (þæt synd, strengran fynd).

Sealm 22:20

Ahrede mine sawle æt heora sweordum, and of þæs hundes handa min lif.

Sealm 35:26

Ac sceamien hy heora and him eac ondrædon (ægðer endemes), þa þe fægniað mines ungelimpes; beslepen hi on hy bysmor and gegyrion hy mid sceame, þa ofersprecan þe me yfel cweðað.

Sealm 35:4

Geleahtrode syn mine fynd, and sceamien heora þa þa secað mine sawle to fordonne. Syn hi gecyrde on earsling and scamien heora, þa þe me ðenceað yfeles.

Sealm 40:14

Sceamien hiora and ondræden him endemes, þa þe ehtað mine sawle; and hy teohhiað me to afyrranne. Syn hy gehwyrfde underbæc and ondræden him, þa þe me yfeles unnon.

Sealm 6:10

Sceamian heora for ði and syn gedrefede ealle mine fynd, and gan hy on earsling, and sceamien heora swiðe hrædlice.

Sealm 71:12

Ne ofgif þu me huru, ­ ­ ­ ­ ­god ælmihtig; beseoh þu me, soð god, ­ ­ ­ ­ ­symble on fultum.

Sealm 71:13

Beoð gedrette, ­ ­ ­ ­ ­eac gescende, þa mine sawle ær ­ ­ ­ ­ ­swyþust tældun; byð þam scand and sceamu ­ ­ ­ ­ ­þe me syrwedan yfel.