Sealm 69:4 - Anglo-Saxon Psalms c.890-950 AD

⁴ Hiora is mycle ma ­ ­ ­ ­ ­þonne ic me hæbbe on heafde nu ­ ­ ­ ­ ­hæra feaxes, þe me earwunga ­ ­ ­ ­ ­ealle feogeað. Ofer me syndon ­ ­ ­ ­ ­þa þe me ehton, fæstum folmum ­ ­ ­ ­ ­forð gestrangad feondas mine, ­ ­ ­ ­ ­and ic forð agef unrihtlice ­ ­ ­ ­ ­þa þe ic ne reafude ær.

Sealm 69:4 Iomraidhean Croise

Sealm 35:19

for þæm þæt mine fynd ne blissien æfter me, þa þe winnað mid unrihte ongean me and me hatiað butan scylde, and wincettað mid heora eagum betwuh him.

Sealm 40:12

For þam me ymbhringde manig yfel þæra nis nan rim; me gefengan mine agene unrihtwisnessa, and ic hy ne meahte geseon ne ongytan. Mine fynd wæran gemanigfealdode, þæt heora wæs ma þonne hæra on minum heafde, and min heorte and min mod me forleton to þam þæt ic me nyste næne ræd.

Sealm 59:3

Þi nu mine sawle ­ ­ ­ ­ ­swiþe bysige feondas mine ­ ­ ­ ­ ­fæcne ofþryhtun, and me strange eac ­ ­ ­ ­ ­stundum ongunnon;

Sealm 6:7

Mine eagan synt gedrefede for yrre and ic eom forealdod betweoh eallum minum feondum.