Sealm 68:6 - Anglo-Saxon Psalms c.890-950 AD

⁶ dema halig, se þe eardian deð ­ ­ ­ ­ ­anes modes and on hiora huse ­ ­ ­ ­ ­healdeð blisse; Se þe on his mægenes ­ ­ ­ ­ ­mihte gelædeð þæt he þa gehæftan ­ ­ ­ ­ ­hæleð sniome, and þa to yrre beoð ­ ­ ­ ­ ­ealle gecigde and eardiað ­ ­ ­ ­ ­on eorðscræfum.

Sealm 68:6 Iomraidhean Croise

Sealm 10:14

Gesyhst þu nu (cwæð se witega to Drihtne) hwylc broc and hwylc sar we þoliað and þrowiað? Nu, hit wære cyn þæt þu hit him wræce mid þinre handa. Ic þearfa eom nu to ðe forlæten; þu eart fultumiend þara þe nabbað nawðer ne fæder ne modor.

Sealm 107:10

Þa þe her on ðystrum ­ ­ ­ ­ ­þrage sæton and on deaðes scuan ­ ­ ­ ­ ­deorcum lifdan, gebundene ­ ­ ­ ­ ­bealuwe feterum on wædle wrace ­ ­ ­ ­ ­and on iserne.

Sealm 107:14

And he hi of þam þystrum ­ ­ ­ ­ ­þanon alædde and of deaðes scuan ­ ­ ­ ­ ­deorcum generede and heora bendas towearp ­ ­ ­ ­ ­bitre sneome.

Sealm 107:34

He ða weaxendan ­ ­ ­ ­ ­wende eorðan on sealtne mersc ­ ­ ­ ­ ­for synndædum þara eardendra, ­ ­ ­ ­ ­þe hire on lifdan.

Sealm 113:9

Se þe eard seteð ­ ­ ­ ­ ­unwæstmbærre on modor hus ­ ­ ­ ­ ­manigra bearna; hio ofer hire suna ­ ­ ­ ­ ­symblað and blissað.

Sealm 146:7

deð gedefe ­ ­ ­ ­ ­þe her deorce ær teonan manige ­ ­ ­ ­ ­torne geþoledan; syleð mete swylce ­ ­ ­ ­ ­þe her murcne ær hungur heaðugrimne ­ ­ ­ ­ ­heardne geþoledan. Wreceð to ræde ­ ­ ­ ­ ­rice Drihten þara manna bearn ­ ­ ­ ­ ­þe ær man gebræc, swylce þa gefetredan ­ ­ ­ ­ ­fægre Drihten lungre alyseð ­ ­ ­ ­ ­and him lif geofeð,

Sealm 69:33

For þam þa þearfendan ­ ­ ­ ­ ­þriste Drihten gehyreð holdlice; ­ ­ ­ ­ ­nyle he gehæfte eac on heora neode ­ ­ ­ ­ ­na forhycgan.