Sealm 66:16 - Anglo-Saxon Psalms c.890-950 AD

¹⁶ Gehyrað me ­ ­ ­ ­ ­and her cumað; ic eow mid soþe ­ ­ ­ ­ ­secgean wylle, gif ge godes egesan ­ ­ ­ ­ ­georne habbað, hu mycel he dyde ­ ­ ­ ­ ­minre sawle.

Sealm 66:16 Iomraidhean Croise

Sealm 34:11

Cumað nu, bearn, and gehyrað me; ic eow lære Godes ege.

Sealm 34:2

On Gode byð geherod min sawl. Gehyren þæt þa manþwæran and blissien for þy.

Sealm 66:5

Cumað nu and geseoð, ­ ­ ­ ­ ­hu cyme weorc Drihten worhte; ­ ­ ­ ­ ­synt his domas eac swiþe egeslice ­ ­ ­ ­ ­ofer eall ylda bearn.

Sealm 71:15

Min muð sægeð ­ ­ ­ ­ ­þine mægenspede and þin soðfæst weorc ­ ­ ­ ­ ­swyþust mæreð, sægeð þe ealne dæg ­ ­ ­ ­ ­ece hælu. For þon ic ne ongeat ­ ­ ­ ­ ­grame ceapunga,

Sealm 71:18

A ic wundor þin ­ ­ ­ ­ ­weorþlic sægde, and ic þæt wið oryldu ­ ­ ­ ­ ­awa fremme; ne forlæt þu me, ­ ­ ­ ­ ­lifigende god, Oð ðæt ic þines earmes ­ ­ ­ ­ ­eall asecge stiþe strencðe ­ ­ ­ ­ ­þisse cneorisse, eallum þam teohhe, ­ ­ ­ ­ ­þe nu toweard ys, Þines mihtes þrym, ­ ­ ­ ­ ­

Sealm 71:20

Oft þu me ætywdest ­ ­ ­ ­ ­earfoðes feala on costunge ­ ­ ­ ­ ­cuðra manna, and me yfela feala ­ ­ ­ ­ ­oft oncnyssedest; þonne þu yrre þin ­ ­ ­ ­ ­eft oncyrdest and me of neowelnesse eft ­ ­ ­ ­ ­neoðan alysdest þysse eorðan, ­ ­ ­ ­ ­þe we on buiað.

Sealm 71:24

Swylce min tunge ­ ­ ­ ­ ­tidum mærde þin soðfæst weorc; ­ ­ ­ ­ ­scende wæron ealle þe me yfel to ­ ­ ­ ­ ­ær gesohton.