Sealm 65:9 - Anglo-Saxon Psalms c.890-950 AD

⁹ eorðan ðu gefyllest ­ ­ ­ ­ ­eceum wæstmum, þæt heo welig weorþeð ­ ­ ­ ­ ­wera cneorissum. Beoð godes streamas ­ ­ ­ ­ ­gōde wætere fæste gefylde, ­ ­ ­ ­ ­þanan feorhnere findað foldbuend, ­ ­ ­ ­ ­swa him fægere oft gegearewadest, ­ ­ ­ ­ ­god lifigende.

Sealm 65:9 Iomraidhean Croise

Sealm 107:37

Hi wingeardas ­ ­ ­ ­ ­wyrcean ongunnon, sæde seowan, ­ ­ ­ ­ ­syþþan growan lungre land heora ­ ­ ­ ­ ­aloden wæstmum.

Sealm 147:14

He þine gemæru ­ ­ ­ ­ ­gemiclade, þu on utlandum ­ ­ ­ ­ ­ahtest sibbe, and þe gesadade ­ ­ ­ ­ ­mid þy selestan hwætecynnes ­ ­ ­ ­ ­holde lynde.

Sealm 46:4

Þa wæs geblissod seo Godes burh on Hierusalem for þam cyme þæs scures þe hy geclæsnode; se hyhsta gehalgode his templ inon þære byrig.

Sealm 63:1

God min, God min, ­ ­ ­ ­ ­ic þe gearuwe to æt leohte gehwam ­ ­ ­ ­ ­lustum wacie. Min sawl on ðe ­ ­ ­ ­ ­swyðe þyrsteð and min flæsc on ðe ­ ­ ­ ­ ­fæste getreoweð.

Sealm 65:11

Þonne þu geares hring ­ ­ ­ ­ ­mid gyfe bletsast and þine fremsumnesse wylt ­ ­ ­ ­ ­folcum dælan, þonne beoð þine feldas ­ ­ ­ ­ ­fylde mid wæstmum;