Sealm 65:3 - Anglo-Saxon Psalms c.890-950 AD

³ Synfulra word ­ ­ ­ ­ ­swyþe ofer usic fræcne foran; ­ ­ ­ ­ ­þu gefultuma urum misdædum, ­ ­ ­ ­ ­mihta wealdend.

Sealm 65:3 Iomraidhean Croise

Sealm 38:4

for þæm min unriht me hlypð nu ofer heafod, and swa swa hefig byrðen hy synt gehefegode ofer me.

Sealm 40:12

For þam me ymbhringde manig yfel þæra nis nan rim; me gefengan mine agene unrihtwisnessa, and ic hy ne meahte geseon ne ongytan. Mine fynd wæran gemanigfealdode, þæt heora wæs ma þonne hæra on minum heafde, and min heorte and min mod me forleton to þam þæt ic me nyste næne ræd.

Sealm 51:7

Ac bespreng me nu mid þinum haligdome swa swa mid ysopon, þæt ic beo geclænsod; and aðweah me þæt ic sy hwitra þonne snaw.

Sealm 79:9

Gefultuma us, ­ ­ ­ ­ ­frea ælmihtig, and alys us, ­ ­ ­ ­ ­lifigende god; weorð urum synnum ­ ­ ­ ­ ­sefte and milde for naman þinum ­ ­ ­ ­ ­neode and aare.