Sealm 62:1 - Anglo-Saxon Psalms c.890-950 AD

¹ Ic mine sawle ­ ­ ­ ­ ­symble wylle full gleawlice ­ ­ ­ ­ ­Gode underþeodan; æt him is hælu min ­ ­ ­ ­ ­her eall gelancg.

Sealm 62:1 Iomraidhean Croise

Sealm 121:2

Is min fultum eac ­ ­ ­ ­ ­fæger æt Drihtne, se ðe heofon worhte, ­ ­ ­ ­ ­hrusan swylce.

Sealm 123:2

Efne mine eagan synt ­ ­ ­ ­ ­ealra gelicast þonne esne bið, ­ ­ ­ ­ ­þonne ondrysnum his hlaforde ­ ­ ­ ­ ­hereð and cwemeð. And swa eagan gað ­ ­ ­ ­ ­earmre þeowenan, þonne heo on hire hlæfdigean ­ ­ ­ ­ ­handa locað, swa us synt eagan to ðe, ­ ­ ­ ­ ­ece Drihten, urum þam gōdan Gode; ­ ­ ­ ­ ­geare lociað, oþþæt us miltsige ­ ­ ­ ­ ­mihta wealdend.

Sealm 25:5

Geræd me and gerece on þinre soðfæstnesse, and lær me, for þam þu eart, Drihten, min hælend; ælce dæge ic anbidige þines fultumes.

Sealm 27:14

Hopa nu, min mod, to Drihtne, and gebid his willan, and do esnlice, and gestaþela and gestranga þine heortan, and geþola Drihtnes willan.

Sealm 33:20

Hopiað nu to Drihtne ure sawla, for þam he ys ure friðigend and ure gescyldend,

Sealm 37:39

Ac seo hæl þæra rihtwisena cymeð symle fram Gode, and he byð heora gescyldend on geswinces tide.

Sealm 37:7

Beo þu Gode underþyd and halsa hine, and ne onhyre þam þe byð orsorh on his wege, and wyrcð, þeah, unriht.

Sealm 39:1

[Missing from manuscript]

Sealm 40:1

Næs ic on nauht idlum anbide, þeah hit me lang anbid þuhte, þa ða ic anbidode Godes fultumes, for þam he beseah wið min,

Sealm 62:2

Hwæt, he is God min ­ ­ ­ ­ ­and gearu hælend; is he fultum min, ­ ­ ­ ­ ­ic ne forhtige wiht.

Sealm 65:1

Þe gedafenað, ­ ­ ­ ­ ­Drihten user, þæt þe man on Sion ­ ­ ­ ­ ­swyðe herige and on Hierusalem ­ ­ ­ ­ ­gylde and gehate.

Sealm 77:1

Ic mid stefne ongann ­ ­ ­ ­ ­styrman to Drihtne, and he me gehyrde ­ ­ ­ ­ ­and beheold sona.