Sealm 61:2 - Anglo-Saxon Psalms c.890-950 AD

² nu ic of eorðan ­ ­ ­ ­ ­utgemærum cleopige to þe, ­ ­ ­ ­ ­nu me caru beateð heard æt heortan, ­ ­ ­ ­ ­help min nu þa;

Sealm 61:2 Iomraidhean Croise

Sealm 142:3

Gif mine grame þenceað ­ ­ ­ ­ ­gast teorian, and þu mine stige ­ ­ ­ ­ ­strange ongeate. On þyssum grenan wege, ­ ­ ­ ­ ­þe ic gange on, me oferhydige ­ ­ ­ ­ ­æghwær setton gearwe grine; ­ ­ ­ ­ ­geara ic sceawade,

Sealm 143:4

is me ænge gast ­ ­ ­ ­ ­innan hreðres, and me is heorte on ­ ­ ­ ­ ­hearde gedrefed.

Sealm 17:1

Gehyr, Drihten, min gebed and ongit mine rihtwisnesse, and onfoh mid þinum earum min gebed, for þon þu wast þæt ic butan facne to þe cleopige.

Sealm 18:2

Drihten, þu eart min trymenes and min friðstow. Þu eart min alysend and min God and min gefultumend; to þe ic hopige. Þu eart min scyldere and se horn minre hælo; þu eart min fultumen.

Sealm 18:46

Min Drihten leofað symle, and he byð symle gebletsad, and he is upahafen, Drihten, min hælend.

Sealm 27:5

For þam he me gehydde on his temple - on þam yflan dagum he me gefriðode on þam sceade his geteldes and his temples - and he me ahof upp on heane stan,

Sealm 40:2

and gehyrde min gebed and alædde me fram þam pytte ælcra yrmða, and of þam duste and of þam drosnum ælces ðeowdomes and ælcere hæftnyde. And he asette mine fet on swiðe heanne stan (þæt ys, on swyðe heah setl and on swyðe fæstne anweald), and he gerihte mine stæpas,

Sealm 42:6

Wið me sylfne wæs min sawl and min mod gebolgen and gedrefed; for þæm ic eom gemyndig þin, Drihten, be Iordane staðe, and on þam lytlan cnolle þe Ermon hatte.

Sealm 43:5

Hwy eart þu unrot, min sawl, oþþe hwi gedrefest þu me? Hopa to Drihtne, for þam ic hine gyt andette; for þam þu eart, God, min hælend and min Dryhten.

Sealm 55:5

Egsa me and fyrhtu ­ ­ ­ ­ ­ealne forcwomon, and me beþeahton ­ ­ ­ ­ ­þeostru niðgrim.

Sealm 62:2

Hwæt, he is God min ­ ­ ­ ­ ­and gearu hælend; is he fultum min, ­ ­ ­ ­ ­ic ne forhtige wiht.

Sealm 62:6

Hwæt, he is God min ­ ­ ­ ­ ­and gleaw hælend and fultum is; ­ ­ ­ ­ ­ne mæg ic hine ahwær befleon.

Sealm 77:3

þa ic fæste god gemyndgade, ­ ­ ­ ­ ­þær ic hæfde mæstne hiht. Swyðe ic begangen wæs ­ ­ ­ ­ ­and min sylfes gast wæs hwonlice ­ ­ ­ ­ ­ormod worden,