Sealm 61:1 - Anglo-Saxon Psalms c.890-950 AD

¹ Gehyr, halig God, ­ ­ ­ ­ ­hraþe mine bene, beheald mine gebed ­ ­ ­ ­ ­holde mode;

Sealm 61:1 Iomraidhean Croise

Sealm 130:2

Drihten, Drihten, ­ ­ ­ ­ ­do þu nu ða, þæt þu mines gebedes ­ ­ ­ ­ ­bene gehyre. Wesan þine earan ­ ­ ­ ­ ­eac gehyrende and beheldende ­ ­ ­ ­ ­mid hige swylce on eall gebedd ­ ­ ­ ­ ­esnes þines.

Sealm 17:1

Gehyr, Drihten, min gebed and ongit mine rihtwisnesse, and onfoh mid þinum earum min gebed, for þon þu wast þæt ic butan facne to þe cleopige.

Sealm 28:2

Ac gehyr þa stemne mines gebedes, for þam ic nu to þe clypige and mine handa upphebbe to þinum þam halgan temple.

Sealm 4:1

Þonne ic cleopode to þe, þonne gehyrdest þu me, Drihten, for ðam þu eart se ðe me gerihtwisast, and on minum earfoðum and nearonessum þu me gerymdest. Gemiltsa me, Drihten, and gehyr min gebed.

Sealm 54:1

On þinum þam haligan naman, ­ ­ ­ ­ ­gedo me halne, God; alys me fram laðum ­ ­ ­ ­ ­þurh þin leofe mægen.

Sealm 6:1

Drihten, ne þrea þu me on þinum yrre, ne on þinre hatheortnesse ne swenc me.

Sealm 64:1

Gehyr min gebed, ­ ­ ­ ­ ­halig Drihten, nu me costunge ­ ­ ­ ­ ­cnyssað geneahhe, and wið egesan ­ ­ ­ ­ ­yfeles feondes mine sawle gescyld ­ ­ ­ ­ ­symle æt þearfe.

Sealm 86:6

Þu mid earum onfoh, ­ ­ ­ ­ ­ece Drihten, min agen gebed, ­ ­ ­ ­ ­and eac beheald, hu ic stefne to ðe ­ ­ ­ ­ ­stundum cleopige.