Sealm 60:1 - Anglo-Saxon Psalms c.890-950 AD

¹ Þu us todrife, ­ ­ ­ ­ ­Drihten user, and us towurpe ­ ­ ­ ­ ­geond werþeoda, yrre us wurde ­ ­ ­ ­ ­and eft milde.

Sealm 60:1 Iomraidhean Croise

Sealm 108:11

Hwæt, þu eart se sylfa god, ­ ­ ­ ­ ­þe us synnige iu adrife fram dome; ­ ­ ­ ­ ­ne do þu æfre swa, þæt þu of urum mægene ­ ­ ­ ­ ­mod acyrre.

Sealm 44:9

þeah þu, Drihten, us nu adrifen hæbbe fram þe and us gebysmrod, and mid us ne fare on fyrd, swa þu geo dydest.

Sealm 59:1

Ahrede me, halig God, ­ ­ ­ ­ ­hefiges niðes feonda minra, ­ ­ ­ ­ ­ðe me feohtað to; alys me fram laðum ­ ­ ­ ­ ­þe me lungre on risan willað, ­ ­ ­ ­ ­nymðe þu me ræd geofe.

Sealm 59:11

ne do hy to deadan, ­ ­ ­ ­ ­þy læs hi dollice þinre æ geban ­ ­ ­ ­ ­anforlæton. Ac þu hi wide todrif ­ ­ ­ ­ ­þurh þines wordes mægen, and hi wraðe toweorp, ­ ­ ­ ­ ­wealdend min Drihten.

Sealm 60:10

Ac ne eart þu se sylfa God, ­ ­ ­ ­ ­ðe us swa drife? ne ga ðu us on mægene, ­ ­ ­ ­ ­mihtig Drihten.

Sealm 74:1

For hwan þu us, ece God, ­ ­ ­ ­ ­æfre woldest æt ende fram þe ­ ­ ­ ­ ­ahwær drifan? is þin yrre strang ­ ­ ­ ­ ­and egesa mycel ofer þin agen ­ ­ ­ ­ ­eowde sceapa.

Sealm 79:5

Hu wilt þu, wuldres god, ­ ­ ­ ­ ­wrað yrre þin on ende fram us ­ ­ ­ ­ ­æfre oncyrran? is nu onbærned ­ ­ ­ ­ ­biter þin yrre on ðinum folce ­ ­ ­ ­ ­fyre hatre.

Sealm 79:9

Gefultuma us, ­ ­ ­ ­ ­frea ælmihtig, and alys us, ­ ­ ­ ­ ­lifigende god; weorð urum synnum ­ ­ ­ ­ ­sefte and milde for naman þinum ­ ­ ­ ­ ­neode and aare.

Sealm 80:1

Þu þe Israela ­ ­ ­ ­ ­æðelum cynne reccest and rædest, ­ ­ ­ ­ ­ðu nu recene beheald, þu ðe Ioseph swa sceap ­ ­ ­ ­ ­gramum wiðlæddest. Ðu ðe sylfa nu ­ ­ ­ ­ ­sittest ofer cherubin, æteow

Sealm 80:3

Gehweorf us, mægena god, ­ ­ ­ ­ ­and us mildne æteow þinne andwlitan; ­ ­ ­ ­ ­ealle we beoð hale.

Sealm 85:4

Gehweorf us hraðe, ­ ­ ­ ­ ­hælend Drihten, and þin yrre fram us ­ ­ ­ ­ ­eac oncyrre,

Sealm 89:19

Þonne ðu ofer ealle ­ ­ ­ ­ ­undearnunga þine bearn sprecest ­ ­ ­ ­ ­and bealde cwyst: “Ic me on þyssum folce ­ ­ ­ ­ ­fultum sette ofermihtigne, ­ ­ ­ ­ ­þone ic me ær geceas.

Sealm 89:3

Ic minum gecorenum ­ ­ ­ ­ ­cuðe gesette, hu min gewitnes ­ ­ ­ ­ ­wolde gangan; ic Dauide ­ ­ ­ ­ ­dyrum esne on aðsware ­ ­ ­ ­ ­ær benemde,

Sealm 89:38

Þu þonne wiðsoce ­ ­ ­ ­ ­soþum criste and hine forhogodest, ­ ­ ­ ­ ­

Sealm 89:7

Þu bist gewuldrad god, ­ ­ ­ ­ ­þær bið wisra geðeaht and haligra ­ ­ ­ ­ ­heah gemetincg, micel and egeslic ­ ­ ­ ­ ­ofer eall manna bearn, ða ðe on ymbhwyrfte ­ ­ ­ ­ ­ahwær syndon.

Sealm 90:13

Gehweorf us hwæt hwiga, ­ ­ ­ ­ ­halig Drihten; wes þinum scealcum ­ ­ ­ ­ ­wel eaðbede.