Sealm 55:17 - Anglo-Saxon Psalms c.890-950 AD

¹⁷ Ic on æfenne ­ ­ ­ ­ ­eac on mergenne and on midne dæg ­ ­ ­ ­ ­mægene sæcge and bodie ­ ­ ­ ­ ­þæt þu bliðe me mine stefne ­ ­ ­ ­ ­stiðe gehyre.

Sealm 55:17 Iomraidhean Croise

Sealm 119:62

Ic æt midre niht ­ ­ ­ ­ ­mæla gehwylce ricene arise ­ ­ ­ ­ ­and hraðe gange þær ic ðe andette ­ ­ ­ ­ ­ealle ætgædere, secge þine domas ­ ­ ­ ­ ­dædum rihte.

Sealm 141:2

Sy on þinre gesihþe ­ ­ ­ ­ ­mines sylfes gebed ful recene gereht, ­ ­ ­ ­ ­swa ricels byð, þonne hit gifre ­ ­ ­ ­ ­gleda bærnað. Swylce is ahafenes ­ ­ ­ ­ ­handa minra, þonne ic þe æfenlac ­ ­ ­ ­ ­estum secge.

Sealm 72:12

For þon he alyseð ­ ­ ­ ­ ­lungre þearfan, þæt him se welega ne mæg ­ ­ ­ ­ ­wiht onsittan, and þæne wædlan, ­ ­ ­ ­ ­þe on worulde næfð ahwær elles ­ ­ ­ ­ ­ænigne fultum.

Sealm 77:2

Ic on earfoðdæge ­ ­ ­ ­ ­ecne Drihten sohte mid handum ­ ­ ­ ­ ­swyþe geneahhe, and ic on niht for him ­ ­ ­ ­ ­neode eode; næs ic on þam siðe ­ ­ ­ ­ ­beswicen awiht. And ic swiðe wiðsoc ­ ­ ­ ­ ­sawle minre fælre frofre; ­ ­ ­ ­ ­

Sealm 88:13

Ic me to ðe, ­ ­ ­ ­ ­ece Drihten, mid modgehygde ­ ­ ­ ­ ­mægene clypade, and min gebed ­ ­ ­ ­ ­morgena gehwylce fore sylfne þe ­ ­ ­ ­ ­soðfæst becume.

Sealm 92:2

And þonne on morgene ­ ­ ­ ­ ­mægene sæcge, hu he milde wearð ­ ­ ­ ­ ­manna cynne, and his soðe ­ ­ ­ ­ ­sæcge nihtes.