1-6 [Missing from manuscript]
His muð byð symle full wyrignessa and bitera worda and facnes and searuwa, and under his tungan byð ealne weg oþera manna sar and geswinc.
Þin mildheortnes, mihtig Drihten, þurh ealra worulda woruld wislic standeð, deorust and gedefust ofer ealle þa þe ondrædað him.
Ic andette ecne Drihten, þæne goodan god, forðan ic hine gleawne wat; is his mildheortnes mycel to worulde.
For þam me fremde oft facne gestodon, sohtan mine sawle swiðe strange, and na heom God setton gleawne on gesyhðe.
Efne hi habbað on muðe milde spræce, is him on welerum wrað sweord and scearp. Þonne gehyreð hwylc, hwæt hyra hyge seceð?
He cenð ælc unriht; and hit cymð him sare and his geferum.
Hi oftust sprecað, unnyt sæcgeað and woh meldiað, wyrceað unriht.
