Sealm 51:1 - Anglo-Saxon Psalms c.890-950 AD

¹ Miltsa me, Drihten, æfter þinre mycelan mildheortnesse, and æfter þære menigu þinra mildheortnessa, adilega mine unrihtwisnessa.

Sealm 51:1 Iomraidhean Croise

Sealm 106:45

Þonne he his wordgebeot ­ ­ ­ ­ ­well gemunde; hreaw hine sona, ­ ­ ­ ­ ­þonne hi hynþa drugan, æfter his miltsa ­ ­ ­ ­ ­menigu gōdes.

Sealm 106:7

Fæderas ure ­ ­ ­ ­ ­fæste ne oncneowan ealle þa wundor ­ ­ ­ ­ ­þe ðu on Egyptum worhtest wræclice, ­ ­ ­ ­ ­wundor unlytel; næron hi gemyndige ­ ­ ­ ­ ­miltsa þinra, þa ðu him on ðære mægðe ­ ­ ­ ­ ­manige cyðdest. Hi bysmredan, ­ ­ ­ ­ ­þa hi on brad wæter on þone readan sæ ­ ­ ­ ­ ­randas bæron,

Sealm 109:21

And þu, min Drihten God, ­ ­ ­ ­ ­do me þine nu mycle mildheortnesse ­ ­ ­ ­ ­for þinum þam mæran naman, swa ðu oft þin milde mod ­ ­ ­ ­ ­manegum cyðdest.

Sealm 119:124

Do þinum agenum ­ ­ ­ ­ ­esne swylce mycel milde mod, ­ ­ ­ ­ ­and me mægene eac þin soðfæst word ­ ­ ­ ­ ­sylfa lære.

Sealm 145:9

Swylce eallum is ­ ­ ­ ­ ­ure Drihten manna cynne ­ ­ ­ ­ ­milde and bliðe; syndan his miltsa ­ ­ ­ ­ ­ofer us mære weorc eall yldum cuð ­ ­ ­ ­ ­awa to feore.

Sealm 4:1

Þonne ic cleopode to þe, þonne gehyrdest þu me, Drihten, for ðam þu eart se ðe me gerihtwisast, and on minum earfoðum and nearonessum þu me gerymdest. Gemiltsa me, Drihten, and gehyr min gebed.

Sealm 40:11

Ac ne do þu, Drihten, þæt þin mildheortnes sy me afyrred, for þam þin mildheortnes and þin soðfæstnes me symle underfengon.

Sealm 5:7

Ic þonne hopiende to þinre þære myclan mildheortnesse, ic gange to þinum huse, Drihten, and me gebidde to þinum halgan altare, on ðinum ege.

Sealm 51:9

[Missing from manuscript]

Sealm 69:13

Ic þonne min gebed ­ ­ ­ ­ ­to þe, mihtig Drihten, tidum sende ­ ­ ­ ­ ­teala liciendlic, and þu me þonne on mænigeo ­ ­ ­ ­ ­miltsa þinra gehyre me hlutre ­ ­ ­ ­ ­hælu þine.

Sealm 69:16

Gehyr, Drihten, me, ­ ­ ­ ­ ­for þon gedefe is þin milde mod ­ ­ ­ ­ ­mannum fremsum, and for mænigeo ­ ­ ­ ­ ­miltsa þinra geseoh on me ­ ­ ­ ­ ­swylce, Drihten.

Sealm 77:9

Ne byð æfre god ­ ­ ­ ­ ­ungemyndig, þæt he miltsige ­ ­ ­ ­ ­manna cynne, oþþe on yrre ­ ­ ­ ­ ­æfre wille his milde mod ­ ­ ­ ­ ­mannum dyrnan.”