Sealm 5:3 - Anglo-Saxon Psalms c.890-950 AD

³ Ac gedo þæt þu gehyre min gebed, Drihten. Ic stande on ærmergen beforan ðe æt gebede and seo þe (þæt is, þæt ic ongite þinne willan butan tweon and eac þone wyrce),

Sealm 5:3 Iomraidhean Croise

Sealm 119:147

And ic ðe on ripe forecom, ­ ­ ­ ­ ­and hraðe swylce ceare cleopode; ­ ­ ­ ­ ­þu me cynlice wel onfencge, ­ ­ ­ ­ ­wistest gearwe, þæt ic on ðinum wordum ­ ­ ­ ­ ­wel getruwade.

Sealm 130:2

Drihten, Drihten, ­ ­ ­ ­ ­do þu nu ða, þæt þu mines gebedes ­ ­ ­ ­ ­bene gehyre. Wesan þine earan ­ ­ ­ ­ ­eac gehyrende and beheldende ­ ­ ­ ­ ­mid hige swylce on eall gebedd ­ ­ ­ ­ ­esnes þines.

Sealm 130:6

Fram þære mæran ­ ­ ­ ­ ­mergentide oðþæt æfen cume ­ ­ ­ ­ ­ylda bearnum, Israhelas on Drihten ­ ­ ­ ­ ­a getreowen.

Sealm 145:1

Ic me heahne god ­ ­ ­ ­ ­hæbbe to kyninge, and ic naman þinne ­ ­ ­ ­ ­neode herige on ecnesse ­ ­ ­ ­ ­awa to worulde.

Sealm 22:2

Ic clypige dæges and nihtes to ðe, and andette mine scylda and seofige min ungelimp, and þu hit ne gehyrst. Ac ne understand þu hit me to unrihtwisnesse, for ðæm ic þe na ne oðwite þæt þu me ne gehyrst, ac minum agnum scyldum ic hit wite.

Sealm 44:5

Þurh þe we beþurscon ure fynd and awindwedan, and for þinum naman we forsawan þa þe stodon ongean us.

Sealm 55:17

Ic on æfenne ­ ­ ­ ­ ­eac on mergenne and on midne dæg ­ ­ ­ ­ ­mægene sæcge and bodie ­ ­ ­ ­ ­þæt þu bliðe me mine stefne ­ ­ ­ ­ ­stiðe gehyre.

Sealm 69:16

Gehyr, Drihten, me, ­ ­ ­ ­ ­for þon gedefe is þin milde mod ­ ­ ­ ­ ­mannum fremsum, and for mænigeo ­ ­ ­ ­ ­miltsa þinra geseoh on me ­ ­ ­ ­ ­swylce, Drihten.

Sealm 74:12

Usser god kynincg, ­ ­ ­ ­ ­geara þu worhtest, ær woruld wære, ­ ­ ­ ­ ­wise hælu on þisse eorþan ­ ­ ­ ­ ­efenmidre.

Sealm 84:4

Eadige weorðað, ­ ­ ­ ­ ­þa þe eardiað on þinum husum, ­ ­ ­ ­ ­halig Drihten, and þe on worulda woruld, ­ ­ ­ ­ ­wealdend, heriað.

Sealm 88:13

Ic me to ðe, ­ ­ ­ ­ ­ece Drihten, mid modgehygde ­ ­ ­ ­ ­mægene clypade, and min gebed ­ ­ ­ ­ ­morgena gehwylce fore sylfne þe ­ ­ ­ ­ ­soðfæst becume.