Sealm 5:12 - Anglo-Saxon Psalms c.890-950 AD

¹² for þam þu eart se Drihten þe gebletsast and geblissast rihtwise. Þu us gecoronadest and geweorðadest and us gescyldst mid þam scylde þinre welwilnesse.

Sealm 5:12 Iomraidhean Croise

Sealm 112:1

Eadig byð se wer ­ ­ ­ ­ ­se þe him ege Drihtnes on ferhðcleofan ­ ­ ­ ­ ­fæste gestandeð, and his bebod healdeð ­ ­ ­ ­ ­bealde mid willan.

Sealm 115:13

þu gebletsadest ­ ­ ­ ­ ­bliðe mode ealle þa þe on ðe ­ ­ ­ ­ ­egsan hæfdan, mycle and mæte ­ ­ ­ ­ ­ofer middangeard.

Sealm 118:15

A byð blisse stefn ­ ­ ­ ­ ­beorht gehyred on soðfæstra ­ ­ ­ ­ ­swæsum muðe.

Sealm 119:132

Beseoh þu on me, ­ ­ ­ ­ ­and me syððan hraðe mære gemiltsa, ­ ­ ­ ­ ­swa ðu manegum dydest, þe naman þinne ­ ­ ­ ­ ­nyde lufedon.

Sealm 29:11

Drihten sylþ his folce mægen and gebletsað his folc on sibbe.

Sealm 3:3

Ac hit nis na swa hy cweðað, ac þu eart butan ælcum tweon, min fultum and min wuldor, and þu ahefst upp min heafod.

Sealm 3:8

For ðam þu ofsloge ealle þa ðe me wiðerwearde wæron butan gewyrhton, and þara synfulra mægen þu gebryttest, for ðam on ðe ys eall ure hæl and ure tohopa; and ofer þin folc sy þin bletsuncg.

Sealm 32:10

Swiþe manifealde synt synfulra manna swingelan, ac þa þe to Gode hopiað beoð ymbhringde mid swyþe manegre mildheortnesse.

Sealm 32:7

Þu eart min gebeorhstow on minum earfoþum, þa me habbað utan behringed; ac þu þe eart min frefrend, ahrede me æt þam þe me habbað utan bestanden.

Sealm 68:4

Singað soðum gode ­ ­ ­ ­ ­sealmas geneahhige, and his naman swylce ­ ­ ­ ­ ­neode heriað; doð siðfæt þæs ­ ­ ­ ­ ­seftne and rihtne, þe he sylfa astah ­ ­ ­ ­ ­ofer sunnan up, þam is to naman ­ ­ ­ ­ ­nemned Drihten. Wesað ge on his gesyhþe ­ ­ ­ ­ ­symble bliðe, and on his ansyne wesan ­ ­ ­ ­ ­ealle gedrefde,

Sealm 84:11

For þon God lufað ­ ­ ­ ­ ­geornast ealles, þæt man si mildheort ­ ­ ­ ­ ­mode soðfæst, þonne him God gyfeð ­ ­ ­ ­ ­gyfe and wuldur. Nele God æfre ­ ­ ­ ­ ­gōde bedælan, þa ðe heortan gehygd ­ ­ ­ ­ ­healdað clæne;