Sealm 5:10 - Anglo-Saxon Psalms c.890-950 AD

¹⁰ ac dem him, Drihten. And gedo þæt hy ne mægen don þæt yfel þæt hy þencað and sprecað; ac be þære andefne heora unrihtwisnesse fordrif hi, for þam hy ðe gremiað and þine þeowas, Drihten.

Sealm 5:10 Iomraidhean Croise

Sealm 10:15

Þu forbrycst þone earm and þæt mægen þæs synfullan for þy, þeah hine hwa ahsode for hwi he swa dyde, þonne ne mihte he hit na gereccan, ne geþafa beon nolde þæt he untela dyde.

Sealm 107:11

Forðon hi dydan ­ ­ ­ ­ ­Drihtnes spræce æghwæs ægype, ­ ­ ­ ­ ­and his geðeaht swylce þæs heahstan him ­ ­ ­ ­ ­hæfdan on bysmer.

Sealm 17:13

Aris, Drihten, and cum to me ær, ær hie cumen, and gehwyrfe hi fram me, and ahrede mine sawle æt þam unrihtan wisan,

Sealm 31:18

And adumbiað þa facnfullan weoloras, þa þe sprecað wið þone rihtwisan unriht on heora ofermettum and on heora leahtrunga.

Sealm 35:26

Ac sceamien hy heora and him eac ondrædon (ægðer endemes), þa þe fægniað mines ungelimpes; beslepen hi on hy bysmor and gegyrion hy mid sceame, þa ofersprecan þe me yfel cweðað.

Sealm 55:15

Hi ofer cume ­ ­ ­ ­ ­unþinged deað, astigon heo on helle ­ ­ ­ ­ ­heonan lifigende. For ðam on heora gasthusum ­ ­ ­ ­ ­is gramlic inwit, and on hiora midle ­ ­ ­ ­ ­man inwitstæf.

Sealm 66:7

His mægen wealdeð ­ ­ ­ ­ ­ofer eall manna cyn on ecnesse ­ ­ ­ ­ ­awa to feore, and he ofer ealle þeode ­ ­ ­ ­ ­eagum wliteð; þa hine on yrre ­ ­ ­ ­ ­æghwær gebringað, ne beoð þa on him sylfum ­ ­ ­ ­ ­syððan ahafene.

Sealm 71:13

Beoð gedrette, ­ ­ ­ ­ ­eac gescende, þa mine sawle ær ­ ­ ­ ­ ­swyþust tældun; byð þam scand and sceamu ­ ­ ­ ­ ­þe me syrwedan yfel.

Sealm 79:12

Gyld nu gramhydigum, ­ ­ ­ ­ ­swa hi geearnedan, on sceat hiora ­ ­ ­ ­ ­seofonfealde wrace, for þon hi edwit on þe ­ ­ ­ ­ ­ealle hæfdon.