Sealm 49:10 - Anglo-Saxon Psalms c.890-950 AD

¹⁰ and næfð nænne forðanc be his deaðe, þonne he gesyhð þa welegan and þa weoruldwisan sweltan. Se unwisa and se dysega forweorþað him ætsamne, and læfað fremdum heora æhte. (Þeah hy gesibbe hæbben, hy beð him swyðe fremde þonne hi nan good æfter him ne doð.)

Sealm 49:10 Iomraidhean Croise

Sealm 17:14

and of þære wræce minra feonda alys me mid þinre handa and mid þine mægene. Drihten, gedo þæt heora menigo sy læsse þonne ure feawena nu is, and tostence hi geond eorþan, libbende, of þis lande. Gefyl hie nu mid þære witnunga þe þu lange gehyd hæfdest, and þeah him geteohhod. Weorþen hi swa geðræste mid hungre, þæt hi eton swynen flæsc (þæt Iudeum unalyfedlic ys to etanne) and þæt þæt hi læfon, healdan heora bearnum and heora bearna bearnum.

Sealm 39:6

[Line 1 missing] ælces libbendes mannes mægen and anwald is idelnes; and swa þeah ælc man hæfð Godes anlicnesse on him, þeah hit idel sy þæt hy mid gedrefde synt. Þæt ys, þæt hy gaderiað feoh, and nyton hwam hy hyt gadriað.

Sealm 49:17

for þam þe he ðyder ne læt þæt eall mid him, þonne he heonan færþ, ne hit him æfter þyder ne færeð.

Sealm 73:22

and ic to nawihte eom ­ ­ ­ ­ ­nyde gebiged, swa ic þæt be owihte ­ ­ ­ ­ ­ær ne wiste. Ic eom anlic mid þe ­ ­ ­ ­ ­anum neate and ic symble mid þe ­ ­ ­ ­ ­syþþan hwæðere.

Sealm 89:49

Hwær is seo ealde nu, ­ ­ ­ ­ ­ece Drihten, micel mildheortness, ­ ­ ­ ­ ­þe þu mancynne and Dauide ­ ­ ­ ­ ­deope aðe þurh þines sylfes ­ ­ ­ ­ ­soð benemdest?

Sealm 94:8

Onfindað þæt and ongeotað ­ ­ ­ ­ ­þe on folce nu unwiseste ­ ­ ­ ­ ­ealra syndon; dysige hwæthwygu ­ ­ ­ ­ ­deope þæt oncnawan.