Sealm 44:3 - Anglo-Saxon Psalms c.890-950 AD

³ Ne geeodon ure foregengan na ðas eorðan mid sweorda ecgum, ne hy mid þy ne geheoldon, ne heora earmas hy ne geheoldon ne ne gehældon, ac þin swiðre hand and þin earm and þæt leoht þines andwlitan, for þam hy þe þa licodon, and þe licode mid him to beonne.

Sealm 44:3 Iomraidhean Croise

Sealm 111:6

myhtum miclum ­ ­ ­ ­ ­and mærweorcum fægrum gefylde ­ ­ ­ ­ ­and to his folce cwæð, þæt he him wolde yrfe ­ ­ ­ ­ ­ellþeodigra on agene æht ­ ­ ­ ­ ­eall gesyllan.

Sealm 17:7

Gewundra nu and geweorða þine mildheortnesse on me, þu þe symle gehælst þa þe to ðe hopiað, and hi gehyldst wið þa þe winnað wið þinne willan.

Sealm 20:6

Nu we ongitað þæt Drihten wile gehælan his þone gesmyredan and ðone gehalgodan, and he hine gehyrð of his þam halgan heofone; swiðe mihtig is seo hælo his ðære swyðran handa.

Sealm 4:6

Manig man cwyð: “Hwa tæcð us teala, and hwa sylð us þa gōd þe us man gehæt?” And is, þeah, geswutelod ofer us þin gifu, þeah hi swa ne cweðen.

Sealm 42:11

For hwy eart þu unrot, min mod and min sawl, and hwy gedrefst þu me? Hopa to Drihtne - for þam ic gyt hine andette, for þam he is min hælend and min God.

Sealm 42:5

For hwi eart þu þonne unrot, min sawl and min mod; hwi gedrefe gyt me? Hopa to Drihtne - for þam ic hine gyt andette, for þam he ys min hælend and min God.

Sealm 74:11

For hwan awendest þu ­ ­ ­ ­ ­wuldres ansyne æfre fram us, ­ ­ ­ ­ ­eac þa swyðran hand of þinum sceate ­ ­ ­ ­ ­sylfa wið ende?

Sealm 77:15

þu wiðferedes eac Israhela bearn ­ ­ ­ ­ ­of Ægyptum.

Sealm 78:55

Þa Israelas ­ ­ ­ ­ ­æhte gesætan hrores folces, ­ ­ ­ ­ ­

Sealm 80:16

Fyr onbærneð, ­ ­ ­ ­ ­folm þurhdelfeð; fram ansyne ­ ­ ­ ­ ­egsan ðines ealle þa on ealdre ­ ­ ­ ­ ­yfele forweorðað.

Sealm 80:9

Þu him weg beforan ­ ­ ­ ­ ­worhtest rihtne, and his wyrtruman ­ ­ ­ ­ ­wræstne settest, þanon eorðe wearð ­ ­ ­ ­ ­eall gefylled.