Sealm 42:8 - Anglo-Saxon Psalms c.890-950 AD

⁸ On dæg bebead God his mildheortnesse cuman to me, me to gefriþianne wið þyssum yrmðum; and on niht he us bebead þæt we sceoldon singan his sang. Mid me beoð symble gearo gebedu to þam Gode þe me libbendne þanon gelædde.

Sealm 42:8 Iomraidhean Croise

Sealm 124:4

wen is, þæt hi us woldan ­ ­ ­ ­ ­wætre gelice sona gesupan, ­ ­ ­ ­ ­gif hit swa wolde.

Sealm 133:3

swa æþele deaw ­ ­ ­ ­ ­on Hermone, se ofer Sionbeorge ­ ­ ­ ­ ­sneome astigeð. For þon her bebead ­ ­ ­ ­ ­halig Drihten lifes bletsunga ­ ­ ­ ­ ­lange to feore of þisson nu ­ ­ ­ ­ ­awa to worulde.

Sealm 149:5

Þonne on wuldre gefeoð ­ ­ ­ ­ ­wel þa halgan, beoð on heora husum ­ ­ ­ ­ ­bliðe gedreme.

Sealm 16:7

Ic bletsige þone Drihten þe me sealde andgit. Ac þeah he me þara uterrena gewinna gefreode, þeah winnað wið me þa inran unrihtlustas dæges and nihtes, þæt ic ne eom, þeah, eallunga orsorh.

Sealm 27:1

Drihten is min onlyhtend and min hælend: hwæt þearf ic ondrædan? Drihten is scyldend mines lifes: hwy sceal ic beon afærd?

Sealm 32:7

Þu eart min gebeorhstow on minum earfoþum, þa me habbað utan behringed; ac þu þe eart min frefrend, ahrede me æt þam þe me habbað utan bestanden.

Sealm 44:4

Hu! ne eart þu min cyning and min Drihten, swa ylce swa þu hiora wære, þu þe bebude hælo cuman to Iacobes cynne?

Sealm 57:3

He þa of heofenum ­ ­ ­ ­ ­hider onsende þe me alysde, ­ ­ ­ ­ ­laþum wiðferede, sealde on edwit ­ ­ ­ ­ ­þe me ær trædan. Sende mihtig God ­ ­ ­ ­ ­his milde gehigd and his soðfæst mod ­ ­ ­ ­ ­samod ætgædere,

Sealm 63:6

Swa ic þin gemynd ­ ­ ­ ­ ­on modsefan on minre reste ­ ­ ­ ­ ­rihte begange, and on ærmergen on ðe ­ ­ ­ ­ ­eac gewene,

Sealm 77:6

Ic þa mid heortan ongann ­ ­ ­ ­ ­hycggean nihtes; wæs min gast on me ­ ­ ­ ­ ­georne gebysgad.

Sealm 88:8

Feor ðu me dydest ­ ­ ­ ­ ­freondas cuþe; settan me symble, ­ ­ ­ ­ ­þær me unswæsost wæs; eam ic swære geseald, ­ ­ ­ ­ ­þær ic ut swican ne mæg.