Sealm 40:3 - Anglo-Saxon Psalms c.890-950 AD

³ and sende on minne muð niwne sang (þæt is, lofsang urum Gode). Manege geseoð hu þu hæfst ymbe us gedon, and for þy to þe hopiað and þe ondrædað.

Sealm 40:3 Iomraidhean Croise

Sealm 119:133

Gerece ðu me swylce, ­ ­ ­ ­ ­þæt ic on rihtne weg æfter þinre spræce ­ ­ ­ ­ ­spedum gange, þy læs min ænig unriht ­ ­ ­ ­ ­ahwær wealde.

Sealm 142:7

Alæd me of carcernes ­ ­ ­ ­ ­cluse swylce mine sawle, ­ ­ ­ ­ ­þæt ic syþþan forð þinne naman mote ­ ­ ­ ­ ­neode sæcgean. Min soðfæste ­ ­ ­ ­ ­snotere bidað, oþ þæt þu me edlean ­ ­ ­ ­ ­eft forgylde.

Sealm 144:9

Ic niwlice ­ ­ ­ ­ ­niwne cantic þam godan gode ­ ­ ­ ­ ­gleawne singe on psalterio, ­ ­ ­ ­ ­þe him swynsað oft mid tyn strengum ­ ­ ­ ­ ­getogen hearpe, on þære þe ic þe singe ­ ­ ­ ­ ­swiþe geneahhe.

Sealm 27:5

For þam he me gehydde on his temple - on þam yflan dagum he me gefriðode on þam sceade his geteldes and his temples - and he me ahof upp on heane stan,

Sealm 33:3

Singað him niwne sang, and heriað hine swyþe wel mid heare stemne,

Sealm 35:27

Fægnien þa and blissien þa þe willon me þancian minre rihtwisnesse, and þa þe symle cweðað, “gemyclad sy Drihten,” and þa þe willon sibbe wið his ðeow.

Sealm 37:23

Fram Gode byð gereht se weg þæs rihtwisan, and hine lyst his wega and his weorca swiðe.

Sealm 69:3

Þær ic werigmod ­ ­ ­ ­ ­wann and cleopode, þæt me grame syndan ­ ­ ­ ­ ­goman hase; byð me æt þam earon ­ ­ ­ ­ ­eagon wiðgangen; hwæðere ic on God minne ­ ­ ­ ­ ­gearewe gewene.