Sealm 4:1 - Anglo-Saxon Psalms c.890-950 AD

¹ Þonne ic cleopode to þe, þonne gehyrdest þu me, Drihten, for ðam þu eart se ðe me gerihtwisast, and on minum earfoðum and nearonessum þu me gerymdest. Gemiltsa me, Drihten, and gehyr min gebed.

Sealm 4:1 Iomraidhean Croise

Sealm 11:7

For þam God ys swyðe rihtwis, and he lufað rihtwisnesse, and heo byð symle swyðe emn beforan him.

Sealm 116:16

Eala, ic eom þin agen ­ ­ ­ ­ ­esne, Dryhten, and þin swylce eom ­ ­ ­ ­ ­scealc ombehte and þinre þeowan sunu ­ ­ ­ ­ ­on ðe acenned. Þu me tobræce ­ ­ ­ ­ ­bendas grimme,

Sealm 116:6

Drihten gehealdeð ­ ­ ­ ­ ­dome þa lytlan; ic hean gewearð, ­ ­ ­ ­ ­he me hraðe lyðde.

Sealm 119:132

Beseoh þu on me, ­ ­ ­ ­ ­and me syððan hraðe mære gemiltsa, ­ ­ ­ ­ ­swa ðu manegum dydest, þe naman þinne ­ ­ ­ ­ ­nyde lufedon.

Sealm 143:2

Ne ga þu mid þinum esne ­ ­ ­ ­ ­in to dome, for þon on þinre gesihðe ne bið ­ ­ ­ ­ ­soðfæst ænig þe on ðisse foldan ­ ­ ­ ­ ­feorhlif bereð.

Sealm 17:6

For þam ic clypige symle to þe, for þam þu symle me gehyrdest. Onhyld nu þine earan to me and gehyr min word.

Sealm 22:1

Drihten, Drihten, min God, beseoh to me; hwi forlete þu me swa feor minre hælo?

Sealm 24:5

Se þe swylc byð, he onfehð bletsunge fram Gode and miltse æt Drihtne hælende.

Sealm 25:16

Geloca to me, Drihten, and gemiltsa me, for þam ic eom ana forlæten, yrming.

Sealm 31:8

and me ne clemdes on minra feonda handa, ac asettest mine fet on swyðe brad land.

Sealm 41:12

Þu me underfenge for minre unsceðfulnesse and me gestrangodest beforan þinre ansyne on ecnesse.

Sealm 42:1

Swa heort wilnað to wætre þonne he werig byð oþþe ofþyrst, swa wilnað min sawl and min mod to þe, Drihten.

Sealm 45:1

“Min heorte bealcet good Word (þæt ys, good Godes bearn); þæm cyncge ic befæste anweald ofer eall min weorc. Min tunge ys gelicost þæs writeres feþere þe hraðost writ.” (Þæt ys, Crist se ys word and tunge Godfæder; þurh hine synt ealle þincg geworht.)

Sealm 56:1

Miltsa me Drihten, ­ ­ ­ ­ ­for ðon me man tredeð, and me ealne dæg ­ ­ ­ ­ ­mid unrihte fynd onfeohtað ­ ­ ­ ­ ­þurh facensearu.

Sealm 57:1

Miltsa min, God, ­ ­ ­ ­ ­and me milde weorð, for þon min sawel on þe ­ ­ ­ ­ ­swyðe getryweð, and ic on fægerum scuan ­ ­ ­ ­ ­fiðera ðinra gewicie, ­ ­ ­ ­ ­oð þæt gewite forð and unriht me ­ ­ ­ ­ ­eall beglide.

Sealm 6:1

Drihten, ne þrea þu me on þinum yrre, ne on þinre hatheortnesse ne swenc me.

Sealm 67:1

Miltsa us, mihtig Drihten, ­ ­ ­ ­ ­and us on mode eac gebletsa nu; ­ ­ ­ ­ ­beorhte leohte þinne andwlitan, ­ ­ ­ ­ ­and us on mode weorð þuruh þine mycelnesse ­ ­ ­ ­ ­milde and bliðe.

Sealm 76:1

God wæs geara cuð ­ ­ ­ ­ ­mid Iudeum, and his æþele nama ­ ­ ­ ­ ­mid Israelum.