Sealm 38:22 - Anglo-Saxon Psalms c.890-950 AD

²² ac beseoh me to fultume, Drihten God, min hælend.

Sealm 38:22 Iomraidhean Croise

Sealm 141:1

Ic þe, Drihten, to ­ ­ ­ ­ ­dyrum clypige; gehyr me hrædlice ­ ­ ­ ­ ­holdre stefne, þonne ic bene to þe ­ ­ ­ ­ ­bidde ceare full.

Sealm 22:12

Me ymbhringdon swiðe mænige calfru (þæt synt, lytle and niwe fynd), and þa fættan fearas me ofsæton (þæt synd, strengran fynd).

Sealm 27:1

Drihten is min onlyhtend and min hælend: hwæt þearf ic ondrædan? Drihten is scyldend mines lifes: hwy sceal ic beon afærd?

Sealm 40:13

Ac licige þe nu, Dryhten, ic þe bidde þæt þu me arige, and ne lata þu to minum fultume.

Sealm 40:17

Ic eom yrming and þearfa, and þeah Dryhten min gymð. Þu, Drihten, eart min friðiend and min gefultumend and min gescyldend; Drihten, min God, ne yld nu þæt þu me arie.

Sealm 62:2

Hwæt, he is God min ­ ­ ­ ­ ­and gearu hælend; is he fultum min, ­ ­ ­ ­ ­ic ne forhtige wiht.

Sealm 62:6

Hwæt, he is God min ­ ­ ­ ­ ­and gleaw hælend and fultum is; ­ ­ ­ ­ ­ne mæg ic hine ahwær befleon.

Sealm 70:1

Wes, Drihten God, ­ ­ ­ ­ ­deore fultum; beheald, Drihten, me, ­ ­ ­ ­ ­and me hraðe syþþan gefultuma ­ ­ ­ ­ ­æt feorhþearfe.

Sealm 70:5

Ic eom wædla ­ ­ ­ ­ ­and worldþearfa; gefultuma me, god, ­ ­ ­ ­ ­frea ælmihtig. Þu me fultum eart ­ ­ ­ ­ ­fæste, Drihten, eart alysend min; ­ ­ ­ ­ ­ne lata þu awiht.

Sealm 71:12

Ne ofgif þu me huru, ­ ­ ­ ­ ­god ælmihtig; beseoh þu me, soð god, ­ ­ ­ ­ ­symble on fultum.