Sealm 36:6 - Anglo-Saxon Psalms c.890-950 AD

⁶ Þin rihtwisnes is swa heah swa þa heofonlican muntas, and þine domas synt swa deope swa swa æfgrynde oþþe seo deoposte sæ. Menn and nytenu þu gehælst, Drihten.

Sealm 36:6 Iomraidhean Croise

Sealm 145:9

Swylce eallum is ­ ­ ­ ­ ­ure Drihten manna cynne ­ ­ ­ ­ ­milde and bliðe; syndan his miltsa ­ ­ ­ ­ ­ofer us mære weorc eall yldum cuð ­ ­ ­ ­ ­awa to feore.

Sealm 147:9

He of beorgum ut ­ ­ ­ ­ ­blæde lædeð, hig to helpe ­ ­ ­ ­ ­hæleða bearnum, Se þe mete syleð ­ ­ ­ ­ ­manegum neatum, hrefnes briddum, ­ ­ ­ ­ ­þonne heo hropende him cigeað to, ­ ­ ­ ­ ­cuðes æses.

Sealm 31:20

Þu hi gehydst and gehyldst hale and orsorge, ægðer ge modes ge lichaman, butan ælcere gedrefednesse þe menn þrowiað. Þu hi gescyldst on þinum temple wið ælcere tungan leahtrunge.

Sealm 71:19

and þæt mære soð, þæt ðu on heofenum, god, ­ ­ ­ ­ ­heah geworhtest wundur wræclicu; ­ ­ ­ ­ ­nis þe, wuldres cyning, ænig æfre gelic, ­ ­ ­ ­ ­ece Drihten.

Sealm 77:19

Wærun wegas þine ­ ­ ­ ­ ­on widne sæ and þine stige ­ ­ ­ ­ ­ofer strang wæter; ne bið þær eþe þin spor ­ ­ ­ ­ ­on to findanne.

Sealm 92:5

Hu micle synt þine mægenweorc, ­ ­ ­ ­ ­mihtig Drihten; wærun þine geðancas ­ ­ ­ ­ ­þearle deope.

Sealm 97:2

[Missing from manuscript]