Sealm 30:1 - Anglo-Saxon Psalms c.890-950 AD

¹ Ic fægnige, Drihten, and þe herige, for þam þu me gefriðadest, and þu ne lete mine fynd min fægnian.

Sealm 30:1 Iomraidhean Croise

Sealm 13:4

þy læs æfre min feond cweðe, “Ic eom strengra þonne he.” Þa þe me swencað, hy fægniað gif ic onstyred beo;

Sealm 140:8

Ne alyf þu me æfre ­ ­ ­ ­ ­ofer lust minne on fyrenfulra ­ ­ ­ ­ ­fæcne geðancas, þa wiðerwearde me ­ ­ ­ ­ ­wraðe hycgeað; ne forlæt þu me ­ ­ ­ ­ ­on lifdagum, þy læs hi ahafene ofer me ­ ­ ­ ­ ­hwile weorðen.

Sealm 145:1

Ic me heahne god ­ ­ ­ ­ ­hæbbe to kyninge, and ic naman þinne ­ ­ ­ ­ ­neode herige on ecnesse ­ ­ ­ ­ ­awa to worulde.

Sealm 25:2

Drihten, min God, to þe ic hopige, and ic þæs næfre ne sceamige; ne mine fynd me næfre for ðy ne bysmrian,

Sealm 27:6

and huru nu hæfð min heafod uppahafen ofer mine fynd, for þæm ic ymbhweorfe þin þæt halige tempel, Drihten, and þær offrige on þinum huse þa offrunga; sangas ic singe, and secge Gode lof.

Sealm 28:9

Gehæl, Drihten, þin folc, and gebletsa þin yrfeland, and gerece þa þe þæron eardiað, and hi uppahefe on ecnesse.

Sealm 35:19

for þæm þæt mine fynd ne blissien æfter me, þa þe winnað mid unrihte ongean me and me hatiað butan scylde, and wincettað mid heora eagum betwuh him.

Sealm 41:11

Þonne ongyte ic on þam þæt þu me lufast, gif nan minra feonda ne fægnað mines ungelimpes.

Sealm 66:17

Þuruh his mihte ic ­ ­ ­ ­ ­muðe cleopige oþþe mine tungan ­ ­ ­ ­ ­tidum blissade.

Sealm 79:10

Þy læs æfre cweðan ­ ­ ­ ­ ­oðre þeoda, hæðene herigeas, ­ ­ ­ ­ ­“Hwær com eower halig God?” and us þæt on eagum ­ ­ ­ ­ ­oftust worpen, þær manna wese ­ ­ ­ ­ ­mæst ætgædere. Wrec agen blod ­ ­ ­ ­ ­esna þinra, þæt wæs sarlice agoten, ­ ­ ­ ­ ­þær þu gesawe to;

Sealm 79:4

We synd gewordene ­ ­ ­ ­ ­wera cneorissum eallum edwitstæf ­ ­ ­ ­ ­ymbsittendum, þe us ahwær neah ­ ­ ­ ­ ­nu ða syndon.